«دوستىق» وردەنىمەن ماراپاتتادى 

ەلباسى نۇرسۇلتان نازارباەۆ ەۋروپالىق كوميسسيانىڭ بۇرىنعى توراعاسى جوزە مانۋەل بارروزۋدى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. مەملەكەت باسشىسى قازاقستان مەن ەۋروپالىق وداق اراسىنداعى ءوزارا قارىم-قاتىناستى نىعايتۋعا قوسقان ەلەۋلى ۇلەسى ءۇشىن ج.بار­رو­زۋعا العىس ايتتى. – ەۋروپالىق كوميسسياعا ءسىز ءتورا­عالىق ەتكەن كەزدە قازاقستان مەن ەۋرووداق اراسىنداعى تاۋار اينا­­لىمى ون ەسە ارتتى. ءسىزدىڭ ءپار­مەن­دى ىقپالىڭىز, دوستىق كومەگىڭىز ارقى­لى ءبىز قازاقستان مەن ەو-نىڭ كەڭەي­تىلگەن سەرىكتەستىگى جانە ىنتى­ماق­تاستىعى تۋرالى كەلىسىم جوبا­سىنا قاتىستى كەلىسسوزدەر اياقتال­عانى جونىندەگى قۇجاتقا قول قوي­­دىق. ەۋ­رو­پالىق وداق ءبىزدىڭ نە­گىز­­گى ساۋ­دا سەرىكتەسىمىز بولىپ قالا بەر­­مەك, – دەدى قازاقستان پرەزي­دەنتى. ج.بارروزۋ ءوز قىزمەتىنە جوعارى باعا بەرگەنى ءۇشىن نۇرسۇلتان نا­زار­باەۆقا ريزاشىلىق ءبىلدىرىپ, قازاقستان مەن ەۋرووداق اراسىن­داعى سەرىكتەستىك بۇدان ءارى  ورىستەپ, ونىڭ اياسى كەڭەيە بەرەدى دەپ ۇمىتتەنەتىنىن جەتكىزدى. – ەۋروپالىق كوميسسيانىڭ ءتورا­عاسى رەتىندە مەن قازاقستان مەن ەۋرووداق اراسىنداعى تىعىز سەرىكتەستىكتى قولداۋ ءۇشىن قاجەت بولعان بار كۇش-جىگەرىمدى سالدىم جانە ءوزىمنىڭ وعان قوسقان ۇلەسىمدى زور ماقتانىش تۇتام. سونداي قارىم-قاتىناس ورناتۋ ءۇشىن ءسىزدىڭ تىكەلەي اتسالىسۋىڭىز دا وتە ماڭىزدى بولدى, – دەدى ەۋروپالىق كوميسسيانىڭ بۇرىنعى توراعاسى. كەزدەسۋ بارىسىندا مەملەكەت باسشىسى حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ۇلەسى ءۇشىن ج.بارروزۋدى I دارەجەلى «دوستىق» وردەنىمەن ماراپاتتادى. سۋرەتتەردى تۇسىرگەندەر س.بوندارەنكو, ب.وتارباەۆ.