حورۆاتيا – ەۋرووداقتاعى ەلىمىزدىڭ ءىرى ساۋدا سەرىكتەسى

كەلىسسوزدەردىڭ باستى تاقى­رىپتارى ساياسي, ساۋدا-ەكونو­ميكالىق جانە مادەني-گۋماني­تارلىق سالالارداعى ءوزارا ءىس-قي­مىل ماسەلەلەرى بولدى. ەرەكشە نازار حورۆاتيا پرەمەر-ءمي­نيسترى اندرەي پلەنكوۆيچتىڭ قا­زاقستانعا الداعى ساپارىنا جانە ونىڭ استانا حالىقارا­لىق فورۋمىنا قاتىسۋىنا اۋدا­رىل­دى. سونىمەن قاتار تا­راپ­­تار 2024 جىلعى قاراشادا م.نۇر­تىلەۋ­­دىڭ زاگرەبكە جاساعان ساپارى بارىسىندا قول جەتكىزگەن ۋاعدالاستىقتاردى ىسكە اسىرۋدىڭ پراكتيكالىق قىرلارىن ەگجەي-تەگجەيلى تالقىلادى.

«حورۆاتيا – قازاقستاننىڭ بالقان ايماعىنداعى جانە ەۋ­رو­پا­لىق وداقتاعى نەگىزگى سەرىك­تەس­تەرىنىڭ ءبىرى. ەكونوميكالىق ىن­تىماقتاستىق – قارىم-قاتىنا­سىمىزدىڭ باسىمدىعى ءارى ونى ىلگەرىلەتەتىن ماڭىزدى قوزعاۋشى كۇش», دەپ اتاپ ءوتتى قازاقستان ءسىم باسشىسى.

بىلتىر ءوزارا ساۋدا كولەمى 282 ملن دوللاردى قۇراپ, حورۆا­تيانى ەۋرووداق ەلدەرى اراسىندا قازاقستاننىڭ ءىرى 15 ساۋدا سەرىكتەسىنىڭ قاتارىنا ەندى.

ءوز كەزەگىندە گ.گرليچ-راد­مان حورۆاتيا ۇكىمەتىنىڭ قازاق­ستانمەن ءوزارا قىزىعۋشى­لىق تۋدىراتىن بارلىق سالادا جان-جاقتى ىنتىماقتاستىقتى نىعايتۋعا بەرىك نيەتىن راستادى. باستى باسىمدىق بەرىلگەن باعىتتار رەتىندە ەنەرگەتيكا, كولىك جانە لوگيستيكا, فارماتسەۆتيكا, تۋريزم جانە اۋىل شارۋا­شىلىعى اتالىپ ءوتتى.

مينيسترلەر ساپار اياسىندا ۇيىمداستىرىلعان «قازاقستان-حورۆاتيا» بيزنەس-فورۋمى مەن «Astana Hub» حالىقارالىق IT-ستارتاپتار پاركىنە جاسالاتىن ساپار ەكى ەلدىڭ ىسكەر توپتارى ءۇشىن بايلانىستاردى كەڭەيتۋگە جانە قولايلى جاعداي جاساۋعا ىقپال ەتەتىنىنە سەنىم ءبىلدىردى.

قر ءسىم باسشىسى بۇگىنگى ءىس-شارانى قازاقستان مەن حورۆاتيا اراسىنداعى ەكونوميكالىق بايلا­نىستاردى نىعايتۋعا باعىت­تالعان ساياسي ديالوگتى جاندان­دىرۋدىڭ باستاماسى بولاتىنىن باسا ايتتى. بۇل كەزدەسۋ ءداستۇرلى دوستىق ەكىجاقتى قارىم-قاتىناستاردىڭ دامۋىنداعى ءوسىپ كەلە جاتقان ديناميكانى كورسەتەتىنىن اتاپ ءوتتى.

مادەني-گۋمانيتارلىق سالادا ەكى ەلدىڭ سىرتقى ساياسي ۆەدومستۆولارىنىڭ باسشىلارى ستۋدەنتتەرگە ءوزارا ستيپەنديالار بەرۋ تۋرالى ۋاعدالاستىققا قول جەتكىزدى.

وڭىرلىك جانە جاھاندىق كۇن تارتىبىندەگى وزەكتى ماسەلەلەردى تالقىلاۋ بارىسىندا قازاقستان تاراپى بۇۇ جارعىسىنىڭ قاعيداتتارىنا جانە ەلىمىزدىڭ جانجالداردى تەك بەيبىت جولمەن شەشۋگە باعىتتالعان تەڭگەرىمدى ءارى پراگماتيكالىق سىرتقى سايا­ساتىنا بەرىك بەيىلدىلىگىن راستادى.

م.نۇرتىلەۋ ورتالىق ازيا مەن اۋعانستان ءۇشىن تۇراقتى دامۋ ماقساتتارى جونىندەگى بۇۇ وڭىرلىك ورتالىعىن الماتى قا­لاسىندا قۇرۋ ۇدەرىسىندە كورسەت­كەن قولداۋى ءۇشىن حورۆات تارا­پىنا العىسىن ءبىلدىردى.

كەلىسسوزدەردىڭ قورىتىن­دىسى بويىنشا تاراپتار ەكى­جاقتى جانە كوپجاقتى ىنتى­ماقتاستىقتى ودان ءارى نىعايتۋعا باعىتتالعان بىرلەسكەن كۇش-جىگەردى جالعاستىرۋعا ۋاعدا­لاستى.

رەسمي كەلىسسوزدەرمەن قا­تار مي­نيسترلەر ەكى ەلدىڭ ىسكەر توپتارىنىڭ قاتىسۋىمەن «قا­زاقستان-حورۆاتيا» بيزنەس-فورۋمىن اشتى. ءىس-شارا ەنەرگەتي­كا, قۇرىلىس, اقپاراتتىق تەحنولو­گيالار, تۋريزم جانە اۋىل شارۋا­شىلىعى سياقتى سالا­لارداعى ەكىجاقتى ىنتى­ماق­­تاستىقتىڭ كەلەشەگىن تالقى­لاۋعا ارنالعان الاڭعا اينال­دى. قازاقستان مەن حورۆا­تيا كاسىپكەرلەرى ساۋدا-ەكونومي­كالىق بايلانىس­تاردى كەڭەيتۋگە, سونداي-اق تۇراقتى سەرىكتەستىكتى دامىتۋعا باعىتتالعان بىرلەسكەن جوبالاردى ىسكە اسىرۋعا مۇددەلىلىگىن راستادى.