فوتو: freepik.com
ايتا كەتسەك, جۇيە پيلوتتىق رەجيمدە 20 مەكتەپتە سىننان ءوتىپ جاتىر: ونىڭ 10-ى استانادا, قالعان 10-ى قوستاناي وبلىسىندا ورنالاسقان. پيلوتتىق جوبا – بولاشاقتا جۇيەنى كەڭ كولەمدە ەنگىزۋگە دايىندىق جۇرگىزۋگە مۇمكىندىك بەرەدى.
پيلوتتىق كەزەڭنىڭ ناتيجەلەرىنە قاراي, جۇيەنى 1-4 سىنىپ وقۋشىلارىنا دا كەزەڭ-كەزەڭمەن ەنگىزۋ جوسپارلانىپ وتىر.
اتالعان تسيفرلاندىرۋ – جاي عانا تەحنولوگيا ەمەس, مەملەكەتتىك كومەكتىڭ ءوز يەسىنە ءادىل جەتۋىن كوزدەيدى.
«جۇيە اتا-انالارعا ەشقانداي قاعاز قۇجات وتكىزبەي, بالاسىنىڭ تەگىن تاماقتانۋعا قۇقىعى بار ەكەندىگى تۋرالى حابارلاما جىبەرەدى. اتا-انا كەلىسىمىن بەرگەن جاعدايدا, وتباسىعا اۆتوماتتى تۇردە تسيفرلىق تاماقتانۋ ۆاۋچەرى قۇرىلادى. بۇل ۆاۋچەردى اتا-انا eGov mobile قوسىمشاسى ارقىلى ىسكە قوسادى. وقۋشى مەكتەپ اسحاناسىندا ارنايى سايكەستەندىرۋ ادىستەرى – QR-كود, كارتا نەمەسە Face ID ارقىلى ىستىق تاماق الادى. وسىدان كەيىن اتا-انانىڭ تەلەفونىنا بالاسىنىڭ مەكتەپتە تاماقتانعانى جونىندە حابارلاما جىبەرىلەدى. جۇيەدە كەرى بايلانىس فۋنكتسياسى دا قاراستىرىلعان – اتا-انا بەرىلگەن تاعامنىڭ ساپاسىنا باعا بەرە الادى. ال ايدىڭ سوڭىندا كورسەتىلگەن ناقتى قىزمەتتەر نەگىزىندە اۆتوماتتى تۇردە ورىندالعان جۇمىستار اكتىسى جاسالىپ, جەتكىزۋشىگە تەك ناقتى قىزمەتتەر ءۇشىن تولەم جۇرگىزىلەدى», دەپ حابارلاندى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ ءباسپاسوز قىزمەتىنەن.
