ەقىۇ-نىڭ ۆەناداعى شتاب-پاتەرىندە بۇۇ قاۋىپسىزدىك كەڭەسىنىڭ «ايەلدەر, بەيبىتشىلىك جانە قاۋىپسىزدىك» تاقىرىبى بويىنشا 1325 قارارىنىڭ ورىندالۋ ماسەلەسىن قاراۋعا ارنالعان قاۋىپسىزدىك سالاسىنداعى ىنتىماقتاستىق جونىندەگى فورۋمنىڭ كەزەكتى وتىرىسى ءوتتى.
نەگىزگى باياندامانى قازاقستان رەسپۋبليكاسى پارلامەنتى سەناتىنىڭ دەپۋتاتى بىرعانىم ءايتىموۆا جاسادى. ول ەقىۇ-داعى سەربيا توراعالىعى كەزىندە گەندەرلىك ماسەلەلەر جونىندەگى بەيرەسمي جۇمىس توبىنىڭ جەتەكشىسى بولىپ تاعايىندالعان بولاتىن. دۇنيەجۇزىندە جانە ەقىۇ جاۋاپكەرشىلىگى بار ايماقتا 1325 قاراردى ىسكە اسىرۋ تۋرالى جان-جاقتى اقپارات ايتىلعان باياندامانى ۇيىمعا مۇشە ەلدەردىڭ دەلەگاتسيالارى جوعارى باعالادى.
ب.ءايتىموۆا ەقىۇ-نىڭ ۆەناداعى گەندەرلىك ماسەلەلەر ءجونىندەگى بەيرەسمي جۇمىس توبىنىڭ وتىرىسىنا دا قاتىسىپ, ەقىۇ-نىڭ 2004 جىلعى گەندەرلىك ماسەلەلەر جونىندەگى جوسپارىنا تولىقتىرۋلار جوباسىن تالقىلاۋعا جەتەكشىلىك ەتتى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
سوڭعى جاڭالىقتار
پەداگوگتەردى اتتەستاتسيالاۋ جۇيەسى جاڭارتىلادى
ءبىلىم • كەشە
اتىراۋ وبلىسىندا جەر ۋچاسكەلەرى مەملەكەتكە قايتارىلدى
ايماقتار • كەشە
اتوم ەنەرگەتيكاسى سالاسى: ۇزاق مەرزىمدى باعدار ايقىندالدى
ەنەرگەتيكا • كەشە
جاپونيادا 7,7 بالدىق جەر سىلكىنىسى تىركەلدى
تابيعات • كەشە
