اتالعان ءىس-شارا ۇلتتىق كىتاپ كۇنىنە وراي ۇيىمداستىرىلىپ وتىر. كوكتەمگى مەكتەپكە باق وكىلدەرى, باسپا سالاسىنىڭ ماماندارى, جوعارى وقۋ ورىندارىنىڭ وقىتۋشىلارى, سونداي-اق قىتاي, رەسەي, موڭعوليا, بانگلادەش, ازەربايجان, تاجىكستان ەلدەرىنەن كەلگەن ستۋدەنتتەر, ماگيسترانتتار مەن دوكتورانتتار قاتىسىپ جاتىر.
كوكتەمگى مەكتەپ بارىسىندا مەدياماتىندى رەداكتسيالاۋ تەحنولوگيالارى, مەدياديزاينداعى جاڭاشىلدىق, كىتاپ يندۋسترياسىنداعى جاساندى ينتەللەكتىڭ ءرولى, فاكتچەكينگ جانە اقپاراتتى ۆەريفيكاتسيالاۋ, مەدياەتيكا مەن مەدياساۋاتتىلىق, سونداي-اق digital جۋرناليستيكانىڭ وزەكتى ماسەلەلەرى تالقىلانىپ وتىر.
باعدارلاما اياسىندا حالىقارالىق ۇيىم وكىلدەرىنىڭ, تانىمال باسپا ماماندارى مەن جۋرناليستەردىڭ شەبەرلىك سىنىپتارى ءوتتى.
كۋرس سوڭىندا قاتىسۋشىلارعا ارنايى سەرتيفيكات تابىستالادى.
ۇلتتىق كىتاپ كۇنى مەرەكەسىنە وراي بەكىتىلگەن اپتالىق اياسىندا 17 ءساۋىر – ء«سوز ونەرىندەگى ولكەتانۋ» كۇنى بولىپ بەلگىلەنگەن ەدى. ەلىمىزدىڭ بارلىق وڭىرىندە جەرگىلىكتى اۆتورلارمەن كەزدەسۋلەر, اۆتوگراف سەسسيالارى, ولكەتانۋ باعىتىنداعى كىتاپتاردىڭ تانىستىرىلىمى ۇيىمداستىرىلىپ, پىكىر الماسۋ, تالقىلاۋ الاڭدارى وتكىزىلدى.
سونىڭ ىشىندە جەزقازعان قالاسىندا اينۇر قوجاحمەتتىڭ «مەرەي» كىتابىنىڭ تۇساۋكەسەرى, اقتوبە وبلىسىندا ورازاقىن اسقاردىڭ 90 جىلدىعىنا وراي «كىتاپ – بالا جانىنىڭ باعدارشىسى» اتتى پوەزيا كەشى, تۇركىستان قالاسىندا «تاريحىڭدى تانى, تۇلعاڭدى قۇرمەتتە» تاقىرىبىندا جەرگىلىكتى قالامگەرلەرمەن كەزدەسۋلەر ءوتتى.
