بايقاۋ 1997 جىلدان باستاپ وتكىزىلىپ كەلەدى. ءىس-شارانىڭ ماقساتى – قازاق حالقىنىڭ رۋحاني تۇتاستىعىن قالىپتاستىرعان قوجا احمەت ءياساۋيدىڭ ارتىندا قالعان رۋحاني مۇرالارىن ناسيحاتتاۋ, وسكەلەڭ ۇرپاقتى ۇلى بابا مۇراسىن مەڭگەرىپ, زەرتتەۋگە ىنتالاندىرۋ, ورتاعاسىرلىق ءامىر تەمىر داۋىرىنەن جەتكەن قۇندى مۇرالاردى كەڭىنەن ناسيحاتتاۋ.
قاتىسۋشىلار «ياساۋي مۇراسى – بالاعا امانات», ء«بىلىمدى مىڭدى جىعار الىسقاندا», «وي جۇيرىك» اتتى ءۇش كەزەڭ بويىنشا ءوزارا سايىسقا ءتۇستى. وقۋشىلار حيكمەتتەردى جاتقا وقىپ, ۇعىمداردى ءتۇسىندىردى, سونداي-اق قوجا احمەت ءياساۋيدىڭ ءومىرى مەن شىعارماشىلىعىنا قاتىستى سۇراقتارعا جاۋاپ بەردى.
بايقاۋ ناتيجەسىنە سايكەس باس جۇلدەنى تۇركىستاندىق قولتاي فەرۋزا يەلەندى. ءى ورىن جەتىسۋ وبلىسىنان قاتىسقان ءادىلجان شىنارعا جانە اقمولالىق جاقسىلىق داياناعا بۇيىردى. ەكىنشى ورىندى التى قاتىسۋشى يەلەنسە, ال 21 قاتىسۋشى ءىىى ورىن يەگەرى اتاندى. 3 قاتىسۋشى كورەرمەن كوزايىمى نوميناتسياسىن جەڭىپ الدى. بارلىق قاتىسۋشى مەن جەتەكشى ارنايى ديپلوممەن ماراپاتتالىپ, سىيلىقتار تابىستالدى. حالىقارالىق قازاق-تۇركى ۋنيۆەرسيتەتىنىڭ, ء«دىنتانۋ جانە تەولوگيا» ماماندىعى بويىنشا وقۋ گرانتى ءالىموۆا ايگەرىمگە جانە احمەتوۆ سابىرجانعا بۇيىردى.
