بىرەر كۇن بۇرىن الەۋمەتتىك جەلى پايدالانۋشىلارى مەركى اۋداندىق اۋرۋحاناسىندا كورسەتىلەتىن مەديتسينالىق قىزمەتتەردىڭ ساپاسى مەن مەكەمەنىڭ ماتەريالدىق-تەحنيكالىق جابدىقتالماۋىنا قاتىستى شاعىمدانعان بولاتىن.
جيىنعا استانادان قر دەنساۋلىق ساقتاۋ ءمينيسترىنىڭ تاپسىرماسىنا سايكەس جامبىل وبلىسىنا قر دسم مەديتسينالىق جانە فارماتسەۆتيكالىق باقىلاۋ كوميتەتى توراعاسىنىڭ ورىنباسارى نۇرلان ايمانوۆ ارنايى كەلىپ قاتىستى.
ول جامبىل وبلىسى اكىمىنىڭ تاپسىرماسىمەن قۇرىلعان ارنايى كوميسسيانى باسقارادى. ونىڭ قۇرامىنا دەنساۋلىق ساقتاۋ باسقارماسى باسشىلىعىنىڭ, سانيتارلىق-ەپيدەميولوگيالىق باقىلاۋ دەپارتامەنتىنىڭ, «الەۋمەتتىك مەديتسينالىق ساقتاندىرۋ قورى» كەاق فيليالىنىڭ, قر دسم مەديتسينالىق جانە فارماتسەۆتيكالىق باقىلاۋ كوميتەتى دەپارتامەنتىنىڭ وكىلدەرى ەنگەن.
كوميسسيا بارلىق كورسەتىلگەن فاكتىلەر بويىنشا تەكسەرۋ جۇرگىزەدى جانە ونىڭ ناتيجەلەرى بويىنشا قورىتىندى ازىرلەيدى. كىنالى تۇلعالار زاڭ تالاپتارىنا سايكەس جاۋاپقا تارتىلاتىن بولادى.
وبلىس باسشىسى وسى جانە وزگە ءتۇرلى كەلەڭسىز جاعدايلاردى بولدىرماۋ ءۇشىن بارلىق اۋداندىق اۋرۋحاناعا تەكسەرۋ جۇرگىزۋدى, جەرگىلىكتى جەرلەردەگى جاعدايدى ەگجەي-تەگجەيلى زەردەلەۋدى تاپسىردى. قىسقاسى, الداعى كۇندەرى اۋداندىق اۋرۋحانالاردىڭ ماسەلەسى ماي شاممەن قارالماق.
جامبىل وبلىسى
