دەپارتامەنت قىزمەتكەرلەرى شەتەلدىك كومپانيالاردىڭ ەرتىس-بايان وڭىرىندە ورنالاسقان كاسىپورىندارىنىڭ ەكسپورتتىق-يمپورتتىق ۆاليۋتالىق وپەراتسيالارىنا باقىلاۋ جۇرگىزىپ, 1 ملن 665 مىڭ اقش دوللارىنان استام سوماعا مىندەتتەمەلەرىن ورىنداماعانىن اشكەرەلەدى.
- پاۆلودار كاسىپورىندارى اۋىل شارۋاشىلىعى ونىمدەرىن (استىق, كارتوپ, كۇنباعىس تۇقىمدارى جانە ت.ب.) ەكسپورتتاعان, سونداي-اق ەكسپورتتان ۇلتتىق جانە (نەمەسە) شەتەل ۆاليۋتاسىنداعى تۇسىمدەردى بانكتىك شوتتارعا ەسەپتەمەگەن. رەزيدەنت «ۆاليۋتالىق رەتتەۋ جانە ۆاليۋتالىق باقىلاۋ تۋرالى» زاڭنىڭ 9-بابىنا سايكەس ۇلتتىق ۆاليۋتانى جانە (نەمەسە) شەتەل ۆاليۋتاسىن ەكسپورت نەمەسە يمپورت جونىندەگى ۆاليۋتالىق شارتتا كوزدەلگەن مەرزىمدەردە رەپاترياتسيالاۋدى قامتاماسىز ەتۋگە مىندەتتى. پاۆلودار قالالىق جانە وبلىستىق سوتتارىنىڭ قاۋلىلارىمەن رەزيدەنت-كاسىپورىندار قر اكىمشىلىك قۇقىق بۇزۋشىلىق تۋرالى كودەكسىنىڭ 251-بابى بويىنشا كىنالى دەپ تانىلىپ, 215 ملن تەڭگە مولشەرىندە اكىمشىلىك ايىپپۇل سالىندى,-دەپ حابارلادى دەپارتامەنتتەن.
سوتتاردىڭ قاۋلىلارى زاڭدى كۇشىنە ەندى.
پاۆلودار وبلىسى
