پوليتسيا قىزمەتكەرلەرى ارمان قۇتتىباي مەن جانىبەك شاكيروۆ ورتالىق بازار ماڭىندا بالا جوعالعانى تۋرالى حابارلاما العان. كورسەتىلگەن مەكەنجايعا جەدەل جەتكەن ءتارتىپ ساقشىلارى كوشە بويىندا جىلاپ تۇرعان بالانى جانە ونىڭ جالعىز جۇرگەنىن, اناسىن ىزدەپ جۇرگەنىن ايتقان ايەلدى كەزدەستىردى.
جاعدايعا بىردەن ءۇن قاتقان پوليتسەيلەر بالانى سابىرعا شاقىرىپ, قىزمەتتىك كولىككە وتىرعىزدى. كوڭىلىن اۋلاپ, سەنىمىن ارتتىرۋ ماقساتىندا وعان پاترۋلدىك كولىكتىڭ ىشكى قۇرىلىسىن كورسەتىپ, جابدىقتارمەن تانىستىردى. كەيىن ولار بازار اۋماعىن بىرگە ارالاپ شىققان.
ءبىراز ۋاقىتتان سوڭ ساباسىنا تۇسكەن بالا اناسىمەن ءجيى باراتىن دۇكەندەردى ەسكە ءتۇسىرىپ, پوليتسەيلەرگە ايتىپ بەردى. وسى اقپاراتقا سۇيەنە وتىرىپ, ءتارتىپ ساقشىلارى ساۋدا ۇيلەرىن ارالاپ, اناسىن تابۋعا شەشىم قابىلداعان.
“بۋراباي” ساۋدا ۇيىندە بالانى ساتۋشىلاردىڭ ءبىرى تانىپ, اناسى ونىڭ تۇراقتى ساتىپ الۋشىسى ەكەنىن ايتىپ, دەرەۋ بايلانىسقا شىقتى. پوليتسەيلەر اناسىنىڭ كەلۋىن كۇتىپ, بالانى ءوز قولىنا تابىستادى.
ال بۇل ۋاقىتتا اناسى دا بالاسىن شىر-پىر بولىپ ىزدەپ ءجۇر ەكەن. ايەل ساقشىلارعا بەيجاي قاراماي, قولداۋ كورسەتكەنى ءۇشىن العىس ايتتى.
