الدىن الا بولجام بويىنشا, شاعىن اۆتوبۋستىڭ جۇرگىزۋشىسى جولدا كەلە جاتىپ جۇك كولىگىن وزىپ وتپەكشى بولعان ۋاقىتتا اۋدارىلعان.
- اۆتوبۋس سالونىندا 14-16 جاس ارالىعىنداعى 16 بالا جانە جاتتىقتىرۋشى بولعان. ولار جارىسقا قاتىسۋ ءۇشىن پاۆلودار قالاسىنان استانا قالاسىنا كەلە جاتقان. اتالعان دەرەك بويىنشا, قىلمىستىق ءىس قوزعالدى, قاجەتتى تەرگەۋ-تەكسەرۋ شارالارى جۇرگىزىلىپ جاتىر,-دەپ حابارلادى اقمولا وبلىستىق پوليتسيا دەپارتامەنتىنىڭ ءباسپاسوز قىزمەتىنەن.
بەلگىلى بولعانداي, بالالار جەكە مەنشىك سپورت مەكتەبىندە جاتتىققان. سپورت مەكتەبىنىڭ باسشىلىعى ءوز شاكىرتتەرىن جارىسقا جىبەرگەن ۋاقىتتا ول تۋرالى پوليتسيا قىزمەتكەرلەرىنە ەسكەرتپەگەن.
سايكەسىنشە جولدا پاترۋلدىك كولىك اۆتوبۋستى سۇيەمەلدەمەگەن. اتالعان دەرەك بويىنشا تەكسەرۋ جۇرگىزىلۋدە.
