كومپانيا جاريالاعان جارنامالىق بەينەروليكتە روبوتتىڭ اداممەن, كەيىن ەكىنشى روبوتپەن ايقاسقانى كورسەتىلگەن. ساراپشىلار جەكپە-جەككە قاتىسۋى مۇمكىن دەپ وتىرعان مودەل – G1. ول – «Unitree»-ءدىڭ فلاگماندىق ءونىمى, بويى 1,32 مەتر, قيمىلى شاپشاڭ ءارى ناقتى. روبوت كۋنگ-فۋ تەحنيكاسىن مەڭگەرىپ, ءتىپتى سالتو جاساۋدى دا ۇيرەنگەن. بۇل – قوزعالىستى ناقتى باسقارۋعا ارنالعان «LAFAN1» تەحنولوگياسىنىڭ ارقاسى. رينگتەگى ايقاستىڭ ناقتى ۋاقىتى مەن ەرەجەلەرى ازىرگە بەلگىسىز. دەگەنمەن بۇل – روبوتتار الەمىندە جاڭا كەزەڭنىڭ باستاۋى بولماق.
