فۋتبول الاڭىن جالعا العان تاراپ پەن مەكتەپ باسشىلىعى اراسىندا رەسمي كەلىسىم-شارت جاسالىپ, تولەمدەر قۇجاتتا كورسەتىلگەن ارنايى ەسەپ-شوتقا اۋدارىلۋعا ءتيىس بولاتىن. الايدا جالداۋ شارتتارى زاڭدى جولمەن ەمەس, اۋىزشا كەلىسىلگەن جانە تولەمدەر قولما-قول اقشا تۇرىندە بەرىلگەن نەمەسە جەكە ەسەپشوتقا اۋدارىلعان.
مەملەكەتتىك-كوممۋنالدىق مەنشىك مۇلكىنە الداۋ جولىمەن زيان كەلتىرگەن ماقسات اۋەلباەۆ ەكى جىل, قايرات ءدىلمانوۆ ەكى جارىم جىلعا باس بوستاندىقتارىن شەكتەۋ جازاسىنا كەسىءلدى. ولار جازا وتەلگەن سوڭ دا ءۇش جىلعا دەيىن مەملەكەتتىك قىزمەتكە الىنبايدى.
سوت ايىپتالۋشىلاردىڭ بۇرىن قىلمىستىق جاۋاپكەرشىلىككە تارتىلماعاندارىن, كامەلەتكە تولماعان بالالارىنىڭ بار ەكەندىگىن جانە كەلتىرگەن شىعىندى تولىق تولەگەندەرىن ەسەپكە الدى.
