بۇعان دەيىن «بولاشاق» حالىقارالىق باعدارلاماسى بويىنشا عىلىمي تاعىلىمداماعا قاتىسۋدا جاسقا شەكتەۋ قويىلماعان ەدى, ءتىپتى زەينەت جاسىنا تولعان ادامدار دا قاتىسا الاتىن ەدى. الايدا عىلىم جانە جوعارى ءبىلىم ءمينيسترىنىڭ بۇيرىعىنا ەنگىزىلگەن سوڭعى وزگەرىستەرگە سايكەس جاعداي وزگەردى.
«ەندى جاس شەكتەۋى بەلگىلەندى: ەرلەر 59 جاستان, ايەلدەر 57 جاستان ۇلكەن بولماۋى كەرەك. بۇيرىق بەكىتىلىپ, كۇشىنە ەندى», دەدى حالىقارالىق باعدارلامالار ورتالىعى وكىلى.
ايتا كەتەيىك, كوكشەتاۋدا وتكەن ۇلتتىق قۇرىلتايدا مەملەكەت باسشىسى 78 جاستاعى ازاماتتى «بولاشاق» باعدارلاماسىمەن وقۋعا جىبەرگەندەرى سىنعا العان ەدى.
