مينيستر ءوز سوزىندە ءوزارا تاجىريبە الماسۋ جانە سالا ماماندارىنىڭ بىلىكتىلىگىن ارتتىرۋ ءۇشىن وڭىرلىك فورۋمدار, سەمينارلار, ترەنينگتەر, شەبەرلىك كلاستارىن, ءباسپاسوز تۋرلارىن وتكىزۋدىڭ ماڭىزدىلىعىن جەتكىزدى. سوعان وراي تومەندەگى باستامالاردى تالقىلاۋعا ۇسىندى:
- ەلدەردىڭ عىلىمي جانە ءبىلىم بەرۋ الەۋەتىن بىرىكتىرە وتىرىپ, ورتالىق ازيا جۋرناليستيكا اكادەمياسىن قۇرۋ;
- جاستاردىڭ دارىندى وكىلدەرى ءۇشىن شىعارماشىلىق ورتالىعى بولۋدى كوزدەيتىن ورتالىق ازيا كرەاتيۆتى حابىن قۇرۋ;
- ۇزدىك جۇمىستاردى اتاپ وتۋگە جانە لايىقتى جۋرناليستەر مەن كونتەنتمەيكەرلەردىڭ ەڭبەگىن تانۋعا مۇمكىندىك بەرەتىن جۋرناليستيكا سالاسىنداعى ورتالىق ازيا سىيلىعىن تاعايىنداۋ;
- ء«بىزدىڭ ادامدار» تەلەجوباسىن ىسكە قوسۋ, ول ارقىلى ءبىز ءبىر-بىرىمىزگە قوعامىمىزدىڭ ەڭ لايىقتى وكىلدەرى, تۇراتىن ەلىنە جانە قارىم-قاتىناس تىلىنە قاراماستان, جاستاردى شابىتتاندىراتىن جانە ولارعا ونەگە بولاتىن تۇلعالار تۋرالى اڭگىمەلەيمىز;
- «ناۋرىزعا» ارنالعان تەلەكوپىر ۇيىمداستىرۋ, بۇل ءبىزدىڭ ەلدەرىمىزگە وسى ورتاق مەرەكە كۇندەرى بىرىگە تۇسۋگە مۇمكىندىك بەرەدى;
- باۋىرلاس ەلدەرىمىزدىڭ تەلەارنالارى ءۇشىن تەلەونىمدەردى قولجەتىمدى ەتۋ, سەريالدار جانە وزگە دە ونىمدەر ءۇشىن ەڭ تومەنگى تولەمدى بەلگىلەۋ نەمەسە ونى مۇلدەم الىپ تاستاۋ;
- بىرلەسكەن تۋريزم مەن ينۆەستيتسيانى تانىمال ەتۋگە باعىتتالعان بىرلەسكەن كونتەنتتىڭ كولەمىن ۇلعايتۋ;
- وسى جىلدىڭ كۇزىندە «ميپكوم» (MIPCOM) تەلەونىمدەرىنىڭ ەڭ تانىمال كورمەسىندە «Central Asia» برەندىمەن بىرىڭعاي الاڭ ۇسىنۋ;
- تەلەارنالار ورتالىق ازيا ەلدەرىندەگى ارىپتەستەرىنىڭ وتىنىمدەرى بويىنشا تۇسىرىلىمدەردى وتەۋسىز نەگىزدە جۇزەگە اسىراتىن الاڭ قۇرۋ, بۇل شەتەلدىك تىلشىلەر پۋنكتتەرىن ۇستاۋعا ارنالعان شىعىستاردى ازايتۋعا مۇمكىندىك بەرەدى.
