بۇل – قاراپايىم سمارتفوننىڭ ميكروفونى ارقىلى جۇرەك قاعىسىن نەبارى 7 سەكۋند ىشىندە جازىپ الىپ, جاساندى ينتەللەكتىنىڭ كومەگىمەن جۇرەك اۋرۋىن 96% دالدىكپەن انىقتايتىن يننوۆاتسيالىق جوبا. ەڭ قىزىعى – بۇل ءۇشىن ارنايى مەديتسينالىق قۇرال-جابدىقتار, سىم نەمەسە دارىگەردىڭ كومەگى قاجەت ەمەس.
سيددارت – Oracle مەن ARM كومپانيالارىنان جاساندى ينتەللەكت سالاسى بويىنشا رەسمي سەرتيفيكات العان الەمدەگى ەڭ جاس مامان. ونىڭ ويلاپ تاپقان تەحنولوگياسى اقش پەن ءۇندىستاندا 15 مىڭنان استام ادامعا سىناقتان وتكىزىلىپ, جوعارى تيىمدىلىگىن دالەلدەگەن.
جاس دارىن يەسىنىڭ ەڭبەگى ەسكەرۋسىز قالعان جوق. بۇرىنعى اقش پرەزيدەنتتەرى باراك وباما مەن دجو بايدەن وعان ارنايى العىس حات جولداسا, ءۇندىستاننىڭ اندحرا-پرادەش شتاتىنىڭ باسشىسى ن. چاندرابابۋ نايدۋ سيددارتپەن جەكە كەزدەسىپ, قولداۋ ءبىلدىردى.
سيددارت نانديالانىڭ جەتىستىگى – جاساندى ينتەللەكتىنىڭ مەديتسينا سالاسىنداعى مۇمكىندىكتەرىن عانا ەمەس, عىلىمعا ەرتە جاستان بەت بۇرعان ورەندەردىڭ الەۋەتىن دە ايقىن كورسەتەدى.
