فوتو: مادەنيەت جانە اقپارات مينيسترلىگى
ءىس-شاراعا وركەستردىڭ تولىق قۇرامىمەن قاتار, تاحاۋي راحمەتوۆ پەن بيبىگۇل قىلىمحان سەكىلدى بەلگىلى ونەرپازدار قاتىستى. ءىس-شارا ماقساتى – الماتى تۇرعىندارى مەن قوناقتارىنىڭ ۇلتتىق مۋزىكاعا دەگەن قىزىعۋشىلىعىن ارتتىرۋ.
قازاق مۋزىكا مادەنيەتىنىڭ دامۋىنا زور ۇلەس قوسقان نۇرعيسا تىلەنديەۆتىڭ شىعارماشىلىعى – حالىقتىڭ رۋحاني مۇراسى, باي قازىناسى. كومپوزيتوردىڭ 100 جىلدىعىنا ارنالعان ءىس-شارا بيىل 24 قاڭتاردا ۇلتتىق وركەستر ۇيىمداستىرعان اۋقىمدى كونتسەرتپەن باستالعان بولاتىن. قازىرگى ۋاقىتتا كومپوزيتوردىڭ مەرەيتويى يۋنەسكو جانە تۇركسوي سەكىلدى حالىقارالىق ۇيىمداردىڭ قولداۋىمەن الەمدىك دەڭگەيدە اتالىپ ءوتىپ جاتىر.
ايتا كەتسەك, تۇركسوي – تۇركى مادەنيەتى حالىقارالىق ۇيىمى 2025 جىلدى نۇرعيسا تىلەنديەۆتى ەسكە الۋ جىلى دەپ جاريالاعان بولاتىن. جىل بويى مەرەيتويعا ارنالعان مادەني ءىس-شارالار جالعاسىن تاباتىن بولادى.
