WorldSkills Almaty-2025 چەمپيوناتىنىڭ جۇلدە قورى شامامەن 10 ميلليون تەڭگەنى قۇرايدى. 30 نەگىزگى قۇزىرەتتىلىك بويىنشا I ورىنعا – 150 000 تەڭگە, II ورىنعا – 100 000 تەڭگە, III ورىنعا 50 000 تەڭگە اقشالاي سىيلىق بەرىلەدى. توپ جارعان ۇزدىك كوماندا كەلەسى جىلى شانحايدا وتەتىن حالىقارالىق چەمپيوناتتا قازاقستاننىڭ نامىسىن قورعايتىن بولادى.
بۇگىندە الماتىداعى 88 كوللەدجدە 85 مىڭنان استام ستۋدەنت وقىپ جاتىر. 22 مەملەكەتتىك كوللەدجدە جۇمىسشى مامانداردى دايارلاۋ تولىعىمەن قالا اكىمدىگى ەسەبىنەن قارجىلاندىرىلادى.
چەمپيوناتقا 200-دەن استام كوللەدج ستۋدەنتتەرى قاتىسۋدا. چەمپيونات تەحنيكالىق جانە كاسىپتىك ءبىلىمنىڭ بەدەلىن ارتتىرۋعا, سونداي-اق جاستار اراسىندا جۇمىسشى ماماندىقتاردى ناسيحاتتاۋعا باعىتتالعان.
الماتى اكىمى ەربولات دوساەۆ قاتىسۋشىلارمەن كەزدەسىپ, جۇمىستارىمەن تانىستى. ستۋدەنت جاستار اراسىندا جۇمىسشى ماماندىقتاردىڭ دامۋىن قولدايتىنىن جانە كەيبىر ماماندىق بويىنشا گرانت ءبولۋ مۇمكىندىگىن قاراستىرىلىپ جاتقانىن اتاپ ءوتتى.
سايىس ينجەنەريا جانە IT-دەن باستاپ قىزمەت كورسەتۋ, ديزاين, قۇرىلىس جانە اۆتوكولىكتى دياگنوستيكاعا دەيىنگى كوپتەگەن قۇزىرەتتى قامتيدى.
جارىسقا قاتىسقان الماتى قۇرىلىس-تەحنيكالىق كوللەدجىنىڭ ستۋدەنتى دميتري كليموۆ «سانتەحنيكا جانە جىلىتۋ» قۇزىرەتىندە ءبىلىمى مەن داعدىسىن كورسەتتى. «بىزگە تاپسىرما بەرىلدى, مەن رادياتور ورناتىپ, پەشتى قوستىم, راكوۆينا, ۋنيتاز جانە كارىز جۇيەسىن ورناتتىم. بۇلاردىڭ ءبارىن بىزگە كوللەدجدە ۇيرەتەدى. سانتەحنيكا باعىتىن سانالى تۇردە تاڭدادىم, سەبەبى بۇل سۇرانىسقا يە ءارى بولاشاعى بار سالا دەپ سانايمىن. ءوز ءبىلىمىمدى ۇيدە دە قولدانامىن. بىردە ۇيدە ۋنيتاز بۇزىلىپ قالدى, ونى ءوزىم جوندەدىم. انام شەبەر شاقىرتۋدىڭ قاجەتى بولماعانىنا قۋاندى», - دەيدى ول.
وقۋىن تەلەكوممۋنيكاتسيا سالاسىمەن ۇشتاستىرىپ, بولاشاقتا پروۆايدەرلىك كومپانيا اشۋدى ارمانداپ جۇرگەن بوتا ەردەنباەر بۇل سالاعا ەرتە كەزدەن قىزىققانىن اتستادى. ونىڭ ايتۋىنشا, سالادا ماماندار تاپشى, ال بىلىكتى كادرلارعا سۇرانىس وتە جوعارى. «كوپ ادام وسى ماماندىققا قىزىعۋشىلىق تانىتسا دەيمىن. مەن ەڭبەك نارىعىنداعى باعامدى قازىردىڭ وزىندە سەزىنىپ وتىرمىن – بۇل ءالى باستاماسى عانا. كوللەدجدە وقىپ ءجۇرىپ, بوس ۋاقىتىمدا جۇيە اكىمشىسى بولىپ جۇمىس ىستەپ, اقشا تابامىن. بولاشاقتا IT-كومپانيامدى اشقىم كەلەدى» دەپ ويىمەن ءبولىستى ول.
بايقاۋ جۇمىستارىن 500-دەن استام ساراپشى مەن جۇمىس بەرۋشى باعالايدى. ساراپشى, تەحنيكالىق عىلىمدار ماگيسترى ءارى وقىتۋشى تاڭشولپان تولەنديەۆانىڭ ايتۋىنشا, ستۋدەنتتەرگە ءۇش جىل بويى مەحانيكانىڭ نەگىزدەرىمەن قاتار زاماناۋي تەحنولوگيالىق بازا ۇيرەتىلگەن. ولار پورشەن ساقينالارىن اۋىستىرىپ, قوزعالتقىشتى بولشەكتەپ-جيناۋمەن, بەرىلىس قورابىمەن جۇمىس ىستەۋمەن اينالىسادى, سونداي-اق, شىن اۆتوكولىككە دياگنوستيكا جۇرگىزىپ, اقاۋلاردى جويا الادى. بولاشاق ماماندار سانتەحنيكالىق جابدىقتاردى ورناتادى, كابەلدىك جەلىلەردى تارتادى, ەلەكترونيكا جوبالاۋ جانە جيناۋ, ءموبيلدى قوسىمشالار مەن گرافيكالىق ديزاين جاسايدى, 3D-پرينتەردە بۇيىمدار شىعارادى.
چەمپيوناتتا شىعارماشىلىق باعىتقا دا ەرەكشە كوڭىل بولىنگەن. قاتىسۋشىلار كيىم ۇلگىلەرىن ازىرلەپ, ۆيترينالاردى بەزەندىرىپ, اسپازدىق تاعامدار دايىنداپ, كۇردەلى شاشتاراز تەحنيكاسىن ورىندايدى. تەلەكوممۋنيكاتسيا جانە اۆتوكولىكتەردى تەحنيكالىق قىزمەت كورسەتۋ سالاسىندا دا كاسىبي شەبەرلىگىن كورسەتەدى.
الماتى
