كىتاپتىڭ اۆتورلارى ساراپشىلار, عالىمدار, ءتىل ماماندارى – ايبارشا قاجىاكپار, گۇلشات ءتۇسىپوۆا, نازگۇل قوجابەك جانە دامەتكەن ابدۋلاەۆا.
«بۇل عىلىمي ەڭبەكتە اكادەميالىق ءماتىن جازۋ نەگىزدەرى جان-جاقتى زەرتتەلگەن. تاقىرىپتى تۇسىنۋدەن, ويلاۋدان جانە ادەبيەتتى تاڭداۋدان باستاپ اكادەميالىق ستيلگە ءتان ءسوزجاسام ەرەكشەلىكتەرىنە دەيىنگى بۇكىل پروتسەسكە ەگجەي-تەگجەيلى شولۋ جاسالعان.
«بۇل كىتاپ قازاقستاننىڭ بارلىق جوعارعى وقۋ ورىندارىنا تەگىن تاراتىلادى جانە ءبىزدىڭ سايتتا ەلەكتروندى نۇسقاسى بار», - دەدى «قازاقستاندىق قوعامدىق دامۋ ينستيتۋتى» كەاق باسقارماسىنىڭ توراعاسى نۇربەك ماتجاني ورتالىق كوممۋنيكاتسيالار قىزمەتىنىڭ پودكاستىندا.
سونىمەن قاتار, ققدي اعىلشىن تىلىندە بەدەلدى عىلىمي جۋرنالداردا جارىق كورگەن عىلىمي ماقالالاردى قازاق تىلىنە اۋدارىپ, KIPD Bulletin جۋرنالىن شىعارادى.
«بۇگىنگى كۇنگە دەيىن 6-7 سانى شىقتى. بۇل جەردە وتباسى ماسەلەلەرى دە, جاساندى ينتەللەكتى دە, مۋزەي, كىتاپحانا, تەاترلارعا دا بايلانىستى زەرتتەۋلەر بار. بۇل قازاق ءتىلدى عىلىمي ورتانىڭ الەمدەگى وزىق ويلى زەرتتەۋ جۇمىستارىنا قول جەتكىزۋ», - دەدى سپيكەر.
