سۋرەت: aifc.kz
AIX 2020 جىلى «Tabys» كومپانياسىن قارجىلىق ساۋاتتىلىقتى ىلگەرىلەتۋ بويىنشا الەۋمەتتىك جوبا رەتىندە ىسكە قوسقان. وسى ساتتەن باستاپ ءىسىن جاڭادان باستاعان وتاندىق ينۆەستورلارعا قارجى ونىمدەرىنە, ونىڭ ىشىندە بيرجالىق نوتالارعا (ETN), ۇلتتىق كومپانيالاردىڭ IPO جانە SPO-عا قاتىسۋىنا جانە جەكەلەگەن جەكە كاسىپورىنداردىڭ وبليگاتسيالىق شىعارىلىمدارىنا قول جەتكىزۋگە مۇمكىندىك تۋدى.
احقو اكىمشىلىگىنىڭ باسقارما توراعاسى ەرنار ءجاڭادىل «Tabys» جوباسىنا باقىلاۋ سولاردا ساقتالاتىنىن, ال كليەنتتەردىڭ شوتتارى بۇرىنعىداي AIX باعالى قاعازدار ورتالىق دەپوزيتاريىندە ورنالاساتىنىن اتاپ ءوتتى. ونىڭ ايتۋىنشا, اتالعان مامىلە قوسىمشانىڭ جۇمىسىن جاقسارتۋدىڭ قيسىندى جالعاسى بولماق.
ء«بىزدىڭ ىنتىماقتاستىعىمىز «Tabys» دامۋىنىڭ جاڭا كەزەڭىمەن باستالادى. 21 مىڭنان استام ازاماتقا قىزمەت كورسەتىلەدى. بىراق ءبىز ءوزىمىزدىڭ جەكە ستراتەگيالىق سەرىكتەسپەن بىرگە ونىمدەردىڭ كەڭ جەلىسىن ۇسىنا الامىز. وسىلايشا, بارلىق ينۆەستوردا ۇلتتىق كومپانيالاردىڭ ءىرو-سى بارىسىندا اكتسيالاردى ساتىپ الۋ عانا ەمەس, سونىمەن قاتار ساتۋ, بروكەرلىك كومپانيادا قازىرگى ۋاقىتتا بار ءونىم جەلىسىن پايدالانۋ مۇمكىندىگى بولادى», دەيدى.
«Teniz Capital Brokerage» باسقارۋشى ديرەكتورى ەرلان سولتانوۆ «Tabys» كليەنتتەرىنە جەرگىلىكتى عانا ەمەس, حالىقارالىق الاڭداردا دا كاپيتالدى ءتيىمدى باسقارۋعا مۇمكىندىك بەرەتىن يننوۆاتسيالىق ونىمدەردى ۇسىنۋداعى جوعارى الەۋەت تۋرالى ايتىپ بەردى.
ء«اربىر «Tabys» پايدالانۋشىسى جاقىن ارادا قۇندى قاعازدار نارىعىنا جاقىنداي تۇسەدى. ءبىزدىڭ كومپانيالار توبىندا كەز كەلگەن پايدالانۋشىعا الەمدەگى قۇرالدارعا قولجەتىمدىلىكتى قامتاماسىز ەتە الاتىن بارلىق قاجەتتى ليتسەنزيا بار. «Tabys»-تىڭ جاساعان جۇمىسى – ينۆەستيتسيا ءۇشىن العاشقى قادام. ءبىز ءوز تاراپىمىزدان ازاماتتاردى ينۆەستيتسيا الەمىنە جەتەلەپ, الدەقايدا كۇردەلى قۇرالداردى ۇسىنۋعا, سونداي-اق حالىقتىڭ قارجىلىق ساۋاتىن دامىتۋعا تىرىسامىز», دەپ اتاپ ءوتتى سپيكەر.
ارىپتەستىك اياسىندا «Tabys» پايدالانۋشىلارى گونكونگ پەن تاياۋ شىعىستاعى ليستينگى بار قۇرالدارعا قول جەتكىزە الادى. ءموبيلدى قوسىمشانىڭ ءوزى بۇرىنعىداي جۇمىس ىستەي بەرەدى. ينۆەستيتسيالىق ونىمدەر جيىنتىعى بىرتىندەپ كەڭەيەدى. قولدانىستاعى «Tabys» كليەنتتەرىنە قوسىمشا تىركەۋ مەن قايتا تىركەۋ راسىمدەرىنەن ءوتۋدىڭ قاجەتى جوق. الايدا كەيىن بروكەر قاعيدالارىمەن قوسىمشا دەرەكتەردى ۇسىنۋ تالاپ ەتىلۋى مۇمكىن.
«Tabys» كليەنتتەر الدىنداعى بارلىق مىندەتتەمەنى ورىنداۋىن جالعاستىرادى. سونداي-اق قوسىمشانى پايدالانۋشىلار احقو-داعى رەتتەۋدىڭ بارلىق ارتىقشىلىعىن دا پايدالانا بەرمەك.
الماتى
