الدىمەن شەبەرلىك ساباقتارى وتكىزىلدى. ەلىمىزدە 230 مىڭنان اسا ەرەكشە ءبىلىم بەرۋدى قاجەت ەتەتىن بالا بار ەكەن. ەرەكشە بالالارمەن ءتيىمدى جۇمىس ىستەۋ جانە ولاردىڭ كۇندەلىكتى ومىردە دە, ءبىلىم بەرۋ ورتاسىندا دا قيىندىقتاردى جەڭۋگە كومەكتەسۋ ءۇشىن ينكليۋزيۆتى ءبىلىم بەرۋ بويىنشا ءبىرىنشى دۇنيەجۇزىلىك كونگرەسىن وتكىزۋ ۇسىنىلعان.
– كونگرەسس الەمنىڭ تۇكپىر-تۇكپىرىنەن ۇزدىك ساراپشىلاردى جينايتىن جانە جىل سايىن الەمنىڭ ءارتۇرلى ەلدەرىندە وتەتىن الاڭعا اينالادى, – دەيدى ينكليۋزيۆتى ءبىلىم بەرۋ بويىنشا ءبىرىنشى دۇنيەجۇزىلىك كونگرەسستىڭ باس ديرەكتورى ەرمەك ءماجيتوۆ, –قازاقستان بۇل باستامانى العاش كوتەرگەن ەل رەتىندە تاريحتا قالادى. دەنيەل سوبەل – الەمدەگى ەڭ ۇزدىك ساراپشىلاردىڭ ءبىرى, ول قازاقستاندا بۇرىن دا بولعان. ۇستازدارىمىزدىڭ جاڭا بىلىمگە ۇمتىلىپ, جاڭا ءبىلىم الۋعا دەگەن كوزقاراسىن كورگەن ول قازاقستان ينكليۋزيۆتى ءبىلىم بەرۋ سالاسىنداعى وسىناۋ اۋقىمدى جۇمىستاردى جۇزەگە اسىرا الاتىن تۇعىرناماعا اينالىپ, تارتىمدى ورتالىققا اينالا الاتىنىن كوردى.
وتىز جىلدان استام تاجىريبەسى بار لوگوپەد, ادىستەمەلىك ۇسىنىستاردىڭ, ماقالالاردىڭ, قۇرالداردىڭ اۆتورى ولگا كيم كوكشەتاۋعا كەلىپ, شەبەرلىك ساباعىن وتكىزدى.
ايتا كەتەيىك, 15-18 قازان ارالىعىندا الماتى قالاسىندا ينكليۋزيۆتى ءبىلىم بەرۋ بويىنشا ءبىرىنشى دۇنيەجۇزىلىك كونگرەسس وتەدى. ول ينكليۋزيانىڭ, تاجىريبە الماسۋدىڭ جانە وزىق پەداگوگيكالىق تاجىريبەلەردى ەنگىزۋدىڭ وزەكتى ماسەلەلەرىن تالقىلاۋعا ارنالعان ءىرى حالىقارالىق الاڭعا اينالادى. كونگرەسكە الەمنىڭ جەتەكشى ساراپشىلارى, ءبىلىم بەرۋ مەكەمەلەرىنىڭ, مەملەكەتتىك قۇرىلىمدار مەن قوعامدىق ۇيىمداردىڭ وكىلدەرى كەلەدى دەپ جوسپارلانىپ جاتىر.
