اتالعان ءىس-شارالار بارىسىندا رەسپۋبليكالىق اقپاراتتىق-ءتۇسىندىرۋ توبىنىڭ مۇشەلەرى – تەولوگتار مەن ءدىنتانۋشىلار ايماق تۇرعىندارىمەن كەزدەسىپ, بىرقاتار سەمينارلار مەن اقپاراتتىق كەزدەسۋلەر وتكىزدى.
ءىس-شارالاردىڭ باستى ماقساتى – قوعامدا ءدىني ساۋاتتىلىقتى ارتتىرىپ, راديكالدى يدەولوگياعا قارسى يممۋنيتەت قالىپتاستىرۋ بولدى
وندا ورال قالاسىنىڭ ءدىن زەرتتەۋ ورتالىعىنىڭ ءبولىم باسشىسى ابدۋۆاحيد باباحانوۆ, ساراپشى-پسيحولوگ لولا شاكيموۆا, استانا قالاسىنداعى دىندەردى زەرتتەۋ ورتالىعىنىڭ تەولوگ مامانى ارمان نۇراحمەت ۇلى, ح.دوسمۇحامەدوۆ اتىنداعى اتىراۋ ۋنيۆەرسيتەتىنىڭ اعا وقىتۋشىسى, ءدىنتانۋشى ەرنار ابزال ۇلى ءدارىس وقىدى.
ورال قالاسى جانە جاڭاقالا, ءبورلى, قاراتوبە, تاسقالا اۋداندارىندا وتكەن كەزدەسۋلەرگە ءارتۇرلى الەۋمەتتىك توپتار – مەكتەپ وقۋشىلارى, كوللەدج ستۋدەنتتەرى, ۇستازدار, جۇمىسسىزدار, ءوزىن-ءوزى جۇمىسپەن قامتىعان ازاماتتار مەن الەۋمەتتىك وسال توپ وكىلدەرى قاتىستى.
كەزدەسۋلەر بارىسىندا «تەرىس يدەولوگياعا قارسى سىني ويلاۋ داعدىلارىن قالىپتاستىرۋ», «جاستار اراسىندا مەديا ساۋاتتىلىقتى ارتتىرۋ», «دەسترۋكتيۆتىك ءدىني اعىمداردىڭ تارالۋىن الدىن الۋ» سياقتى وزەكتى تاقىرىپتار قوزعالدى.
