ققس مولشەرلەمەسىن ارتتىرۋ ەسەبىنەن مۇناي كىرىستەرىنە تاۋەلدىلىكتى ازايتۋعا, ۇلتتىق قورداعى جيناقتاردى تۇراقتاندىرۋعا جانە ازاماتتاردىڭ ءومىر ءسۇرۋ ساپاسىن ارتتىراتىن باسىم جوبالاردى قارجىلاندىرۋعا بولادى.
«ققس-مەن بايلانىستى سالىق رەفورماسى ماسەلەسى ەرەكشە نازار اۋدارۋدى تالاپ ەتەدى. بازالىق مولشەرلەمە – 16%. نەلىكتەن؟ سەبەبى ققس – رەسپۋبليكالىق بيۋدجەتتىڭ ەڭ ۇلكەن كىرىس كوزى. قوسىمشا تۇسىمدەر شامامەن 3 ترلن تەڭگە دەپ بولجانۋدا. بۇل جولدارعا, مەكتەپتەرگە, اۋرۋحانالارعا, ينفراقۇرىلىم مەن قورعانىسقا جانە دامۋعا ارنالعان اقشا», دەدى ءماجىلىستىڭ جالپى وتىرىسىندا جاڭا سالىق كودەكسىنىڭ جوباسىن ءبىرىنشى وقىلىمدا تالقىلاۋ كەزىندە پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين.
ققس مولشەرلەمەسىن 16%-عا دەيىن ارتتىرۋ مۇنايدان تۇسەتىن كىرىستەرگە تاۋەلدىلىكتى ازايتۋعا, ۇلتتىق قورداعى جيناقتاردى تۇراقتاندىرۋعا, ازاماتتاردىڭ تۇرمىس ساپاسىن ارتتىراتىن باسىم جوبالاردى قارجىلاندىرۋعا مۇمكىندىك بەرەدى. دەگەنمەن, بيزنەس دەگەنىمىز – ول ادامدار, كومپانيالار جانە تاعدىرلار ەكەنىن تۇسىنە كەلە, سارالانعان مولشەرلەمەلەر ەنگىزىلۋدە. قازىر شارۋا قوجالىقتارى ققس تولەمەيدى, ال زاڭدى تۇلعالار – اۋىل شارۋاشىلىعى وندىرۋشىلەرى ققس-تى 30% مولشەرىندە تولەيدى. بۇل جاڭا سالىق كودەكسىندە ساقتالادى. بۇل رەتتە ققس-تىڭ تاعى ەكى مولشەرلەمەسى كوزدەلۋدە – مەديتسينا سالاسى ءۇشىن – 10% جانە ەكسپورت پەن جەڭىلدىگى بار ساناتتار ءۇشىن – 0%.
