فوتو: اشىق دەرەككوز
باعدارلاما ۋاقىتشا قولداۋ شاراسى رەتىندە قاراستىرىلدى. 5 جىل ىشىندە جاستار ءوز قارجىلىق مۇمكىندىكتەرىن جاقسارتىپ, كەلەسى قادامعا – جەكە باسپانا ساتىپ الۋعا دايىندالۋى ءتيىس ەدى. 2025 جىلى 2 مىڭنان استام قاتىسۋشىنىڭ جالداۋ مەرزىمى اياقتالىپ, تۇرعىن ءۇي ماسەلەسىن شەشۋ – ولاردىڭ جەكە تاڭداۋى مەن ارەكەتىنە بايلانىستى بولماق.
بۇگىندە 853 قاتىسۋشى ءوز شەشىمىن تاۋىپ, ناقتى قادامعا كوشتى:
- 275 ادام – ءوز قاراجاتى ەسەبىنەن تۇرعىن ءۇي ساتىپ الدى;
- 262 ادام – وڭىرلىك جەڭىلدەتىلگەن يپوتەكالىق باعدارلامالار ارقىلى قونىس تويىن تويلادى;
- 316 ادام – باسپانا ىزدەۋ كەزەڭىندە.
قالعان قاتىسۋشىلار قۇجات جيناۋ جانە ءوتىنىم بەرۋ ۇدەرىسىندە بولسا, وتىنىمدەر «وتباسى بانكى» فيليالدارى ارقىلى كۇندەلىكتى قابىلدانىپ جاتىر.
جاستار ءۇشىن يپوتەكالىق نەسيە رەسىمدەۋگە بارىنشا قولايلى جاعدايلار ۇسىنىلعان:
- باستاپقى جارنا – 10%;
- جىلدىق مولشەرلەمە – 5%;
- ەڭ جوعارى قارىز سوماسى – 20 ملن تەڭگەگە دەيىن;
- نەسيە مەرزىمى – 19 جىلعا دەيىن.
بۇگىندە باعدارلاما قاتىسۋشىلارىنىڭ الدىندا ماڭىزدى تاڭداۋ تۇر: جالعا الۋشى رەتىندە قالۋ نەمەسە ۇسىنىلعان مۇمكىندىكتەردى پايدالانىپ, جەڭىلدەتىلگەن شارتتارمەن جەكە باسپاناعا قول جەتكىزۋ. 800-دەن استام ءساتتى وقيعا – بۇل جاستاردىڭ ناقتى ءارى ناتيجەلى جولمەن ماقساتقا جەتە الاتىنىن دالەلدەيدى.
