«الماتى سۋ» مكك باس ديرەكتورى ءىلياس قازيەۆ وڭىرلىك كوممۋنيكاتسيالار قىزمەتىندە وتكەن بريفينگتە مالىمدەگەندەي, جوبانىڭ ەرەكشەلىگى – تالعار جەراستى سۋلارىنىڭ كەن ورنىنان كاسكادتى تاسىلمەن سۋ بەرۋ جانە كەرى رەجىمدە جۇمىس ىستەۋ مۇمكىندىگى. ياعني قاجەت بولعان جاعدايدا سۋدىڭ سولتۇستىكتەن وڭتۇستىككە قاراي دا, كەرى باعىتتا دا قوزعالىسىن وزگەرتۋگە بولادى. بۇل اۋا-رايىنىڭ قاتتى اسەرىنە ۇشىراعان كىشى الماتى وزەنىنىڭ باستاپقى سۋىنىڭ ساپاسىنا تاۋەلدىلىكتى جويادى. وندا سۋدىڭ ساپاسى لايلانۋدىڭ جوعارىلاۋىنا بايلانىستى ناشارلاعان.
«مەدەۋ اۋدانىنىڭ وڭتۇستىك بولىگىندە سۋ تاپشىلىعىن جويۋ ءۇشىن قالا اكىمى ەربولات دوساەۆتىڭ تاپسىرماسى بويىنشا قىسقا مەرزىم ىشىندە سۋمەن جابدىقتاۋدىڭ جاڭا رەزەرۆتىك جۇيەسى قۇرىلدى. ول قالانىڭ وسى بولىگىنە جەراستى كوزدەرىنەن تاۋلىگىنە 32 مىڭ تەكشە مەتر سۋ بەرۋدى قامتاماسىز ەتتى. ياعني سامال, كوكتوبە جانە تاۋلى قىرات شاعىناۋداندارىنىڭ 50 مىڭ تۇرعىنى قالانىڭ تومەنگى بولىگىنەن جىبەرىلەتىن سۋمەن قامتاماسىز ەتىلۋى مۇمكىن», دەدى ءى.قازيەۆ.
سول سەكىلدى سورعى ستانسالارىن, تازا سۋ رەزەرۆۋارلارىن جانە ماگيسترالدىق جەلىلەردى قايتا جاڭارتۋ جانە سالۋ بويىنشا جۇمىستار ورىندالدى. بۇل شاعىناۋداننىڭ باتىس جانە شىعىس جاعىندا تاراتۋشى ينجەنەرلىك جەلىلەردى سالۋ جوباسى قوسىمشا ىسكە اسىرىلاتىن كامەنسكوە ءۇستىرتى اۋدانىنا تۇراقتى سۋ بەرۋدى قامتاماسىز ەتەدى. سونداي-اق كولساي شاعىن اۋدانى ورتالىقتاندىرىلعان سۋمەن جابدىقتاۋمەن قامتىلعان.
