فوتو: اشىق دەرەككوزدەن
العاشقى قۇتتىقتاۋ ءسوزدى جۋرناليستيكا جانە ساياساتتانۋ فاكۋلتەتىنىڭ دەكانى, جازۋشى نۇرجان قۋانتاي ۇلى جەتكىزدى. كەشتىڭ شىمىلدىعى ۋنيۆەرسيتەت ستۋدەنتتەرىنىڭ اقىن ولەڭدەرىن جاتقا وقۋىمەن اشىلدى. «بيلەر قايدا؟», «ماڭگى ءتىلىم», «تۋعان جەر كوكتەمى», «اتامەكەن» سىندى ولەڭدەر كورەرمەن قاۋىمنىڭ ىقىلاسىنا بولەندى.
اقىننىڭ زامانداستارى ءۋاليحان قايساروۆ پەن اسقار تاجيەۆ دوستارى تۋرالى ەستەلىكتەرىن ايتىپ, شىعارماشىلىعىنداعى وزەكتى تاقىرىپتارعا توقتالدى.
سۇحبات فورماتىندا وربىگەن كەزدەسۋدە اۆتورعا قىزىقتى ساۋالدار قويىلىپ, ب.توباياقتىڭ ولەڭىمەن قاتار, ءومىرىنىڭ ساۋلەلى ساتتەرى, شىعارماشىلىعىنىڭ مازمۇندى بەتتەرى كەڭىنەن اڭگىمەلەندى. كەش يەسى بالدىرعان شاعىندا قازاقتىڭ قابىرعالى قالامگەرلەرى مۇحتار اۋەزوۆ پەن ءسابيت مۇقانوۆ سىندى الىپتاردى كوزىمەن كورىپ, ادەبيەتكە دەگەن قۇشتارلىعى سول كەزدەن باستالعانىن تەبىرەنە ەسكە الدى.
كەش سوڭىندا ۋنيۆەرسيتەت رەكتورىنىڭ ارنايى تاپسىرماسىمەن اقىنعا ل.ن.گۋميلەۆ اتىنداعى مەدال تابىستالدى.
اسىلزات ادىلبەك,
ل.ن.گۋميلەۆ اتىنداعى ەۇۋ ستۋدەنتى
