2023 جىلى كاسىپكەرلىكتى دامىتۋدىڭ 2021-2025 جىلدارعا ارنالعان ۇلتتىق جوباسى اياسىندا قور, بانك جانە جەكە كاسىپكەر اراسىندا سۋبسيديالاۋ شارتى جاسالعان.
قور پاۆلودار قالاسىندا كوممەرتسيالىق جىلجىمايتىن م ۇلىك ساتىپ الۋ ءۇشىن العان نەسيەسى بويىنشا پايىزدىق مولشەرلەمەنىڭ ءبىر بولىگىن سۋبسيديالاۋعا مىندەتتەنگەن.
بيزنەس-جوسپارعا سايكەس, جەكە كاسىپكەردىڭ نەگىزگى قىزمەتى – نان, جاڭا ۇننان جاسالعان كونديتەرلىك ونىمدەر, تورتتار, بالىشتەر ءوندىرۋ.
الايدا, قور سۋبسيديالاناتىن جوبالارعا جوسپارلى مونيتورينگ جۇرگىزە كەلە, جەكە كاسىپكەردىڭ ساتىپ العان تۇرعىن ءۇي-جايلارىندا (دۇكەنىندە) توقىما بۇيىمدارىن, سابىن جانە الكوگول ونىمدەرىن ساتۋ بولىمشەلەرى ورنالاسقانىن انىقتاعان. بۇل رەتتە, نان جانە جاڭا ۇننان جاسالعان كونديتەرلىك ونىمدەر دايىندالماعان.
نەسيە قاراجاتىن ماقساتسىز پايدالانعانىن العا تارتىپ, قور جەكە كاسىپكەردەن شامامەن 8,4 ميلليون تەڭگە كولەمىندە تولەنگەن سۋبسيديانى سوت ارقىلى قايتارۋدى تالاپ ەتكەن. جەكە كاسىپكەر, ءوز كەزەگىندە, قوردىڭ سۋبسيديالاردى تولەۋدى توقتاتۋ جونىندەگى ارەكەتىنىڭ زاڭدىلىعىن داۋلاپ, قارسى تالاپ قويعان.
سوت داۋدىڭ ءمان-جايىنا دۇرىس باعا بەرىپ, قوردىڭ تالاپ قويۋىن قاناعاتتاندىرىپ, جەكە كاسىپكەردىڭ قارسى تالاپ قويۋىن قاناعاتتاندىرۋدان باس تارتقان.
الايدا, اپەللياتسيالىق سوت مۇنىمەن كەلىسپەي, جەكە كاسىپكەردىڭ جاعىنا شىققان.
جوعارعى سوت جەكە كاسىپكەر سۋبسيديالاۋ شارتىن جانە بيزنەس-جوسپاردى تيىسىنشە ورىنداعانىن, اتاپ ايتقاندا سۋبسيديا بەرىلگەن جوبانىڭ ورىندالۋ ماقساتىن دالەلدەمەگەنىن ايتىپ, ءبىرىنشى ساتىداعى سوتتىڭ شەشىمىن وزگەرىسسىز قالدىردى.
سونىمەن قاتار, سۋبسيديالاردى ماقساتسىز پايدالانۋ فاكتىسى راستالدى: الىنعان ءۇي-جايلارىنان, ۇننان جاسالعان كونديتەرلىك ونىمدەر, تورتتارمەن بالىشتەردى ءوندىرۋ ءۇشىن پايدالانىلمايدى, ال وسى ماقساتقا باسقا ءۇي-جايلاردى جالعا العانى تۋرالى دالەلدەمەلەر كورسەتىلمەگەن.
