اتاپ ايتقاندا, قندرا-دا تىركەلگەن 214 كومپانيانىڭ ىشىندە اكتيۆتەر كولەمى بويىنشا 19-ورىندا تۇرعان مقۇ Express اۆانسقا قاتىستى ايىپپۇل سانكتسيالارىن قولدانعان. ۇيىم بۋحگالتەرلىك ەسەپتى جۇرگىزۋ ءۇشىن بەلگىلەنگەن تالاپتاردى بۇزعان, ول ءۇشىن 3,9 ميلليون تەڭگە سوماسىندا ايىپپۇل سالىنعان.
بۇعان دەيىن, قندرا جۇرگىزگەن تەرگەۋ ناتيجەلەرى بويىنشا ەكى ميكروقارجى ۇيىمىن ميكروقارجى قىزمەتىن جۇزەگە اسىرۋ قۇقىعىنا ليتسەنزياسىنان ايىرۋ تۋرالى شەشىم قابىلدانعان بولاتىن. قازىرگى ۋاقىتتا ءوزارا ۇلەستەس بايلانىستاعى تاعى ءتورت كومپانياعا قاتىستى تەكسەرۋ جالعاسۋدا.
تەرگەۋ ناتيجەسىندە اتالعان التى كومپانيانىڭ بارلىعى بىرىڭعاي قۇرىلىم رەتىندە ارەكەت ەتكەنى انىقتالدى. ولار 200-دەن استام قىزمەتكەر جۇمىس ىستەيتىن جالپى ءۇي-جايدى پايدالاندى, ال ولاردىڭ قىزمەتىن شەتەلدە جۇرگەن ادامدار باسقارادى.
سونىمەن قاتار, سوت ازاماتتاردىڭ 130 كەپىلدىك شارتىن جارامسىز دەپ تانۋ تۋرالى تالاپتارىن قاناعاتتاندىردى. بۇل شەشىم كليەنتتەردى قارجىلىق مىندەتتەمەلەردى ورىنداۋدان بوساتقان, ال ميكروقارجى ۇيىمدارى وسىنداي شارتتار بويىنشا الىنعان قاراجاتتى قايتارۋعا مىندەتتى.
