فوتو: gov.kz
اكىمنىڭ مالىمەتىنشە, قازىر باس قالادا الەۋمەتتىك نىسانداردىڭ قۇرىلىسى قارقىندى ءجۇرىپ جاتىر. ونىڭ ىشىندە مەكتەپتەر, بالاباقشالار, ەمحانالار, وقۋشىلار سارايلارى بار.
«جاڭا وقۋ جىلىندا تاعى 15 مەكتەپ اشامىز. ولاردىڭ جەتەۋى – «جايلى مەكتەپ» ۇلتتىق جوباسى اياسىندا. قالانى ارالاۋ بارىسىندا بىرقاتار جايلى مەكتەپتىڭ قۇرىلىسىمەن تانىستىم. ماسەلەن, بۇل مەكتەپتەر قۇدايبەردى ۇلى داڭعىلى مەن جانسۇگىروۆ كوشەسىنىڭ, تولەباەۆ جانە بۋراباي كوشەلەرىنىڭ, ەگەمەن قازاقستان مەن يمانوۆ كوشەلەرىنىڭ قيىلىستارىندا, سول سياقتى ە17, ە26, ە796 جانە ە899 كوشەلەرىندە جانە ت.ب. مەكەنجايلاردا ورنالاسقان. ءبىلىم مەكەمەلەرىنىڭ قۇرىلىسىنا جەكە قاراجات تا تارتىلادى», دەپ جازدى جەڭىس قاسىمبەك.
ايتا كەتەيىك, بيىل باس-اياعى 24 جاڭا وقۋ ورنى اشىلعان. ونىڭ 16-سى «جايلى مەكتەپ» ۇلتتىق جوباسى اياسىندا سالىنعان.
