كەشە ەلوردادا پرەزيدەنت نۇرسۇلتان نازارباەۆتىڭ قاتىسۋىمەن جاڭا ۋنيۆەرسيتەت اشىلدى.
مەملەكەت باسشىسى بيىلعى قازاقستان حالقىنا جولداۋىندا: “جوعارى ءبىلىم ساپاسى ەڭ جوعارى حالىقارالىق تاراپتارعا جاۋاپ بەرۋى ءتيىس. ەلدەگى جوو-لار الەمنىڭ جەتەكشى ۋنيۆەرسيتەتتەرىنىڭ رەيتينگىنە ۇمتىلۋى كەرەك”, دەي كەلىپ, استاناداعى جاڭا حالىقارالىق ۋنيۆەرسيتەتكە باسىمدىق بەرگەن ەدى. ەندى, مىنە, سول ءبىلىم ورداسى پايدالانۋعا بەرىلىپ, الەمدىك ءبىلىم كەڭىستىگىنە ەنۋگە جاڭا قادام جاسالىپ وتىر.
پرەزيدەنت نۇرسۇلتان نازارباەۆ ءبىلىم ورداسىنىڭ اشىلۋ ءراسىمىندە بۇل وقۋ ورنى كەڭەس ۇكىمەتىنەن كەيىنگى كەڭىستىكتە بالاماسى جوق جاڭا بىرەگەي ءبىلىم بەرۋ جوباسىنىڭ ىسكە قوسىلۋى ەكەنىن ەرەكشە اتاپ ءوتتى. ول سونىمەن بىرگە, ەلىمىزدە پرەزيدەنتتىڭ “بولاشاق” حالىقارالىق باعدارلاماسىنىڭ جاقسى جۇمىس ىستەپ جاتقانىن, تالاپكەرلەر تورتكۇل دۇنيەدەگى بەلدى دە بەدەلدى وقۋ ورىندارىن ءبىتىرىپ, ەلىمىزدىڭ دامۋىنا ءوز ۇلەستەرىن قوسىپ جۇرگەنىن, ەندىگى جەردە مۇنداي ءۇردىس ءوز مەملەكەتىمىزدە دە ورنىعاتىنىن, تۇلەكتەر وتانىمىزدىڭ وركەندەۋىنە تالابى مەن تالانتىن جۇمسايتىنىنا سەنىم ءبىلدىرىپ, ءوزىنىڭ اتىمەن اتالاتىن تەڭدەسسىز وقۋ ورنىنا ساي بولۋ ءاربىر جاستىڭ ازاماتتىق پارىزى دەگەندى قاداپ ايتتى.
وسى ارادا ەلباسى ۋنيۆەرسيتەتتىڭ اياسىندا استانادا ءۇش جاڭا عىلىمي ورتالىق قۇرىلاتىنىن, ناقتىلاي تۇسسەك, ءومىر تۋرالى عىلىمدار ورتالىعى, بالاما ەنەرگەتيكالىق ورتالىعى, حالىقارالىق اسپاپتىق ورتالىعى جۇمىس ىستەيتىنىن دە ەسكە سالدى.
بيىل بۇل ۋنيۆەرسيتەتكە 500 مەملەكەتتىك ءبىلىم بەرۋ گرانتى ءبولىنىپ وتىرعانىن, ول ستۋدەنتتەردىڭ وقۋىن, تاماقتانۋ مەن تۇرعىن جايىن وتەيتىنىن, ولارعا ساباق بەرەتىن پروفەسسور-وقىتۋشىلار الەمنىڭ مىقتى ەلدەرىنەن كەلەتىنىن نازارعا سالىپ, دۇنيە ءجۇزىنىڭ ەڭ تاڭداۋلى دەگەن 30 ۋنيۆەرسيتەتىمەن قازىردىڭ وزىندە 11 كەلىسىم جاسالعانىن تىلگە تيەك ەتتى.
سول جاعالاۋعا ورنالاسقان بۇل وقۋ ورنى 80 گەكتار القاپقا ورنالاسقان. عيماراتتار مەن قۇرىلىستىڭ ءبىرىنشى كەزەگىنىڭ جالپى اۋماعى 143 مىڭ شارشى مەتردى قۇرايدى. ەلباسى وسى الىپ عيماراتتى ارالاپ كورىپ, زامانعا ساي جابدىقتالعان كىتاپحانادا بولىپ, عىلىمي ينتەلليگەنتسيامەن, ستۋدەنتتەرمەن جۇزدەستى. مۇنىمەن قاتار, مەملەكەت باسشىسى ارىپتەس شەتەلدىك جوعارى وقۋ ورىندارىنىڭ وكىلدەرىمەن, حالىقارالىق كونسۋلتاتيۆتىك, جاڭا ۋنيۆەرسيتەتتىڭ ديرەكتورلار كەڭەستەرىمەن كەزدەسۋ وتكىزدى. كەزدەسۋ بارىسىندا حالىقارالىق دارەجەدەگى زەرتتەۋ ۋنيۆەرسيتەتىنىڭ جۇمىسىن ۇيىمداستىرۋعا بايلانىستى وزەكتى ءماسەلەلەر تالقىلاندى. پرەزيدەنت سونداي-اق ۋنيۆەرسيتەتتىڭ نەگىزگى قىزمەتىنىڭ ماڭىزدى ۇستامدارىن ايقىندايتىن نازارباەۆ ۋنيۆەرسيتەتىنىڭ دەكلاراتسياسىنا قول قويدى.
جالپى, ەلوردانى ءبىلىم مەن عىلىم قالاسىنا اينالدىرۋ جولىنداعى ەلباسىنىڭ باتىل قادامدارىنىڭ ايتۋلى ءبىر جەمىسى سانالاتىن بۇل وقۋ ورنى پرەزيدەنتتىڭ باستاماسى بويىنشا بارلىق زياتكەرلىك ەليتاسىن قالىپتاستىرۋ ماقساتىندا قۇرىلىپ وتىر. بۇل بولاشاقتا قازاق ەلىنىڭ ۇلتتىق برەندى بولادى.
ۋنيۆەرسيتەتتىڭ اكادەميالىق جانە عىلىمي ساياساتى, ەڭ الدىمەن وقۋ ورنىنىڭ قۇرامىنا كىرەتىن ءاربىر مەكتەپتىڭ (ينستيتۋتتىڭ) الەمنىڭ جەتەكشى جوعارى وقۋ ورىندارى قاتارىنان ءوزىنىڭ اكادەميالىق ارىپتەسىنىڭ بولۋىن جانە قۋاتتى عىلىمي, سول سەكىلدى ءوندىرىستىك بازاعا يە بولۋ كوزدەلگەن. بۇل ءبىلىم, عىلىم ءوندىرىس اراسىنداعى ءوزارا بايلانىستى قامتاماسىز ەتۋگە دە مۇمكىندىك بەرەدى. التى فاكۋلتەت بويىنشا: ينجەنەريا, جاراتىلىستانۋ, گۋمانيتارلىق عىلىمدار مەكتەبى, مەديتسينا مەكتەبى, ماگيستراتۋرا جانە رhD باعدارلاماسى, 2012 جىلدان باستاپ مەملەكەتتىك ساياسات جانە بيزنەس مەكتەبىن اشۋ جوسپارلانىپ وتىر.
ۋنيۆەرسيتەتتىڭ زامانعا ساي ارحيتەكتۋرالىق شەشىمى باتىس ستاندارتتارىنا جاۋاپ بەرەدى. بارلىق وقۋ كورپۋستارى ءبىر-بىرىمەن اتريۋم ارقىلى بايلانىسقان. بۇل, كەشەننىڭ تۇتاستىعى مەن ارحيتەكتۋرالىق جيىنتىعىنىڭ بىرلىگى. ەلدىڭ نازارىن اۋدارىپ وتىرعان ءبىلىم ورداسى ۋاقىت وتە كەلە ءتورتكۇل دۇنيەدەگى ۇزدىك وقۋ ورىندارىنىڭ قاتارىنان ورىن الارى ەش ءشۇباسىز.
سۇلەيمەن مامەت.
كەشە ەلوردادا پرەزيدەنت نۇرسۇلتان نازارباەۆتىڭ قاتىسۋىمەن جاڭا ۋنيۆەرسيتەت اشىلدى.
مەملەكەت باسشىسى بيىلعى قازاقستان حالقىنا جولداۋىندا: “جوعارى ءبىلىم ساپاسى ەڭ جوعارى حالىقارالىق تاراپتارعا جاۋاپ بەرۋى ءتيىس. ەلدەگى جوو-لار الەمنىڭ جەتەكشى ۋنيۆەرسيتەتتەرىنىڭ رەيتينگىنە ۇمتىلۋى كەرەك”, دەي كەلىپ, استاناداعى جاڭا حالىقارالىق ۋنيۆەرسيتەتكە باسىمدىق بەرگەن ەدى. ەندى, مىنە, سول ءبىلىم ورداسى پايدالانۋعا بەرىلىپ, الەمدىك ءبىلىم كەڭىستىگىنە ەنۋگە جاڭا قادام جاسالىپ وتىر.
پرەزيدەنت نۇرسۇلتان نازارباەۆ ءبىلىم ورداسىنىڭ اشىلۋ ءراسىمىندە بۇل وقۋ ورنى كەڭەس ۇكىمەتىنەن كەيىنگى كەڭىستىكتە بالاماسى جوق جاڭا بىرەگەي ءبىلىم بەرۋ جوباسىنىڭ ىسكە قوسىلۋى ەكەنىن ەرەكشە اتاپ ءوتتى. ول سونىمەن بىرگە, ەلىمىزدە پرەزيدەنتتىڭ “بولاشاق” حالىقارالىق باعدارلاماسىنىڭ جاقسى جۇمىس ىستەپ جاتقانىن, تالاپكەرلەر تورتكۇل دۇنيەدەگى بەلدى دە بەدەلدى وقۋ ورىندارىن ءبىتىرىپ, ەلىمىزدىڭ دامۋىنا ءوز ۇلەستەرىن قوسىپ جۇرگەنىن, ەندىگى جەردە مۇنداي ءۇردىس ءوز مەملەكەتىمىزدە دە ورنىعاتىنىن, تۇلەكتەر وتانىمىزدىڭ وركەندەۋىنە تالابى مەن تالانتىن جۇمسايتىنىنا سەنىم ءبىلدىرىپ, ءوزىنىڭ اتىمەن اتالاتىن تەڭدەسسىز وقۋ ورنىنا ساي بولۋ ءاربىر جاستىڭ ازاماتتىق پارىزى دەگەندى قاداپ ايتتى.
وسى ارادا ەلباسى ۋنيۆەرسيتەتتىڭ اياسىندا استانادا ءۇش جاڭا عىلىمي ورتالىق قۇرىلاتىنىن, ناقتىلاي تۇسسەك, ءومىر تۋرالى عىلىمدار ورتالىعى, بالاما ەنەرگەتيكالىق ورتالىعى, حالىقارالىق اسپاپتىق ورتالىعى جۇمىس ىستەيتىنىن دە ەسكە سالدى.
بيىل بۇل ۋنيۆەرسيتەتكە 500 مەملەكەتتىك ءبىلىم بەرۋ گرانتى ءبولىنىپ وتىرعانىن, ول ستۋدەنتتەردىڭ وقۋىن, تاماقتانۋ مەن تۇرعىن جايىن وتەيتىنىن, ولارعا ساباق بەرەتىن پروفەسسور-وقىتۋشىلار الەمنىڭ مىقتى ەلدەرىنەن كەلەتىنىن نازارعا سالىپ, دۇنيە ءجۇزىنىڭ ەڭ تاڭداۋلى دەگەن 30 ۋنيۆەرسيتەتىمەن قازىردىڭ وزىندە 11 كەلىسىم جاسالعانىن تىلگە تيەك ەتتى.
سول جاعالاۋعا ورنالاسقان بۇل وقۋ ورنى 80 گەكتار القاپقا ورنالاسقان. عيماراتتار مەن قۇرىلىستىڭ ءبىرىنشى كەزەگىنىڭ جالپى اۋماعى 143 مىڭ شارشى مەتردى قۇرايدى. ەلباسى وسى الىپ عيماراتتى ارالاپ كورىپ, زامانعا ساي جابدىقتالعان كىتاپحانادا بولىپ, عىلىمي ينتەلليگەنتسيامەن, ستۋدەنتتەرمەن جۇزدەستى. مۇنىمەن قاتار, مەملەكەت باسشىسى ارىپتەس شەتەلدىك جوعارى وقۋ ورىندارىنىڭ وكىلدەرىمەن, حالىقارالىق كونسۋلتاتيۆتىك, جاڭا ۋنيۆەرسيتەتتىڭ ديرەكتورلار كەڭەستەرىمەن كەزدەسۋ وتكىزدى. كەزدەسۋ بارىسىندا حالىقارالىق دارەجەدەگى زەرتتەۋ ۋنيۆەرسيتەتىنىڭ جۇمىسىن ۇيىمداستىرۋعا بايلانىستى وزەكتى ءماسەلەلەر تالقىلاندى. پرەزيدەنت سونداي-اق ۋنيۆەرسيتەتتىڭ نەگىزگى قىزمەتىنىڭ ماڭىزدى ۇستامدارىن ايقىندايتىن نازارباەۆ ۋنيۆەرسيتەتىنىڭ دەكلاراتسياسىنا قول قويدى.
جالپى, ەلوردانى ءبىلىم مەن عىلىم قالاسىنا اينالدىرۋ جولىنداعى ەلباسىنىڭ باتىل قادامدارىنىڭ ايتۋلى ءبىر جەمىسى سانالاتىن بۇل وقۋ ورنى پرەزيدەنتتىڭ باستاماسى بويىنشا بارلىق زياتكەرلىك ەليتاسىن قالىپتاستىرۋ ماقساتىندا قۇرىلىپ وتىر. بۇل بولاشاقتا قازاق ەلىنىڭ ۇلتتىق برەندى بولادى.
ۋنيۆەرسيتەتتىڭ اكادەميالىق جانە عىلىمي ساياساتى, ەڭ الدىمەن وقۋ ورنىنىڭ قۇرامىنا كىرەتىن ءاربىر مەكتەپتىڭ (ينستيتۋتتىڭ) الەمنىڭ جەتەكشى جوعارى وقۋ ورىندارى قاتارىنان ءوزىنىڭ اكادەميالىق ارىپتەسىنىڭ بولۋىن جانە قۋاتتى عىلىمي, سول سەكىلدى ءوندىرىستىك بازاعا يە بولۋ كوزدەلگەن. بۇل ءبىلىم, عىلىم ءوندىرىس اراسىنداعى ءوزارا بايلانىستى قامتاماسىز ەتۋگە دە مۇمكىندىك بەرەدى. التى فاكۋلتەت بويىنشا: ينجەنەريا, جاراتىلىستانۋ, گۋمانيتارلىق عىلىمدار مەكتەبى, مەديتسينا مەكتەبى, ماگيستراتۋرا جانە رhD باعدارلاماسى, 2012 جىلدان باستاپ مەملەكەتتىك ساياسات جانە بيزنەس مەكتەبىن اشۋ جوسپارلانىپ وتىر.
ۋنيۆەرسيتەتتىڭ زامانعا ساي ارحيتەكتۋرالىق شەشىمى باتىس ستاندارتتارىنا جاۋاپ بەرەدى. بارلىق وقۋ كورپۋستارى ءبىر-بىرىمەن اتريۋم ارقىلى بايلانىسقان. بۇل, كەشەننىڭ تۇتاستىعى مەن ارحيتەكتۋرالىق جيىنتىعىنىڭ بىرلىگى. ەلدىڭ نازارىن اۋدارىپ وتىرعان ءبىلىم ورداسى ۋاقىت وتە كەلە ءتورتكۇل دۇنيەدەگى ۇزدىك وقۋ ورىندارىنىڭ قاتارىنان ورىن الارى ەش ءشۇباسىز.
سۇلەيمەن مامەت.
