فينالدا باتىسقازاقستاندىق «جايىق» كومانداسى اقتوبە كومانداسىمەن كەزدەسىپ, تارتىستى ويىندا 3:1 ەسەبىمەن جەڭىسكە جەتتى. جۇلدەلى ءۇشىنشى ورىن – «اتىراۋ» ۆولەيبول كومانداسىندا.
ورال قالاسىنداعى سۋ جاڭا «جايىق ارەنا» سپورت كەشەنىندە وتكەن سايىس جانكۇيەرلەر اراسىندا دا ەرەكشە قىزىعۋشىلىق تۋعىزدى. جارىستى ۇيىمداستىرۋشىلاردىڭ پىكىرىنشە, وڭىردە سپورتتىڭ وسى ءتۇرىنىڭ بولاشاعى وتە زور.
«وسى تۋرنيردان كەيىن ورالدا ۆولەيبولعا دەگەن حالىقتىڭ ىقىلاسى, قىزىعۋشىلىعى وتە جوعارى دەڭگەيدە بولادى دەپ ويلايمىن. ەستىپ جاتىرمىن, مىنا جەردەگى ۆولەيبول سەكتسياسىنا 120 قىز جازىلىپتى. ەرلەر اراسىندا دا, قىزدار اراسىندا دا ورال كومانداسى قازاقستان چەمپيوناتىنىڭ بىرنەشە مارتە جەڭىمپازى, جۇلدەگەرى بولدى. بۇل داستۇرگە اينالعان دەۋگە بولادى. جالپى قازاقستاننىڭ تۇكپىر-تۇكپىرىندە ۆولەيبول جاقسى دامىپ كەلە جاتىر», دەيدى قازاقستان ۆولەيبول فەدەراتسياسىنىڭ ۆيتسە-پرەزيدەنتى, پلەي-وفف ويىندارىنىڭ باس تورەشىسى ەرمەك سىرلىباەۆ.
باتىس قازاقستان وبلىستىق دەنە شىنىقتىرۋ جانە سپورت باسقارماسى «جايىق» كومانداسىنىڭ بۇل جەتىستىگىن تاريحي جەڭىس دەپ باعالاپ جاتىر. بۇعان دەيىن «جايىق-كوندەنسات» كومانداسى 1998 جىلى ەل چەمپيونى اتانعان ەكەن. اراعا 27 جىل سالىپ, «جايىق» ءوز تاريحىنداعى چەمپيوندىق اتاعىن قايتا جاڭعىرتقان.
