ءۇش كۇنگە جالعاسقان كوركەم گيمناستيكا باسەكەسىندە 400-دەن اسا سپورتشى 3 جاس ەرەكشەلىك بويىنشا جەكەلەي جانە توپتىق جاتتىعۋ بويىنشا جارىستى. سپورتتىق دودانىڭ اشىلۋ سالتاناتىندا ءسوز سويلەگەن شىمكەنت قالاسى كوركەم گيمناستيكا فەدەراتسياسىنىڭ پرەزيدەنتى مۋسليم شانازاروۆ قاتىسۋشىلارعا جەڭىس پەن ساتتىلىك تىلەدى.
«بۇل سايىستا كىل مىقتى قىزدارىمىز باق سىنايدى. جاستار ءبىرىنشىلىگىنىڭ جۇلدەگەرلەرى دە توپقاتۇسپەك. «كوركەم گيمناستيكا سپورت كەشەنىندە» جاتتىعاتىن سپورتشىلار شىمكەنت قالاسىنىڭابىرويىن اسقاقتاتادى دەگەن سەنىمدەمىز. كوركەم گيمناستيكا ەرەكشە سپورت. ول سىمباتتىلىق پەن سۇلۋلىقتى كورسەتىپ قانا قويماي, توزىمدىلىك پەن شىدامدىلىققا دا ادامدى تاربيەلەيدى» دەدى فەدەراتسيا باسشىسى.
جارىستىڭ نەگىزگى كەزەڭى باستالعاندا كورىنىس الاڭىنا كوركەم سپورتتىڭ سايدىڭ تاسىنداي ىرىكتەلگەن سۇلۋلارى جەكەلەي دە, توپپەن دە شىعىپ, بىرىنەن ءبىرى اسىپ ءتۇسىپ جاتتى. ءار قيمىلىن ەپپەن ءيىلىپ, ءتۇرلى جاتتىعۋ كومبيناتسيالارىن كەرىلەسوزىلىپ جاساعان جاسوسپىرىمدەرگە ءجاي قاراپ تۇرۋدىڭ ءوزى كوز سۇيسىنەرلىك كەرەمەت كورىنىس. ءبىر سىزىقتىڭ بويىندا تۇرعانداي, اياق-قولى بۇگىلمەي, ارتىق-كەم جۇرمەي, قولىنداعى قۇرالىن قۇلاتىپ الماسا دەگەن جانكۇيەرلەر دە دەمىن ىشتەرىنە تارتىپ وتىردى. سونىمەن ءتورت كۇنگە سوزىلعانكوركەم سپورت دوداسى ۇيلەسىمدى دەنە تاربيەسىن تاعى ءبىر ايشىقتاعان كەرەمەت باسەكە بولدى.
