اتىراۋ ستۋدەنتتەرى وعىز ءداۋىرىنىڭ قورىمىن تاپتى
ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ ءبىرىنشى كۋرس ستۋدەنتتەرى ارحەولوگيالىق قازبا جۇرگىزۋ بارىسىندا ۇلكەن ولجاعا كەنەلدى. ولار ەجەلگى قورىمنان وعىز ءداۋىرىنىڭ جاۋىنگەرى مەن بىرنەشە قۇندى جادىگەر تاۋىپ الدى. ءىح-ءحى عاسىرداعى وعىز داۋىرىنە جاتاتىن قورىم يندەر اۋدانىنداعى تەرەكتى دەپ اتالاتىن جەردەن تابىلىپ وتىر. بۇل وسى اۋدانداعى ەلتاي اۋىلىنا تاياۋ ورنالاسقان. اۋىل تۇرعىنىنىڭ ۋنيۆەرسيتەت عالىمدارىنا ادام سۇيەگىن, كيىم-كەشەك تۇرلەرىن تاۋىپ العانى حابارلانعان. ۋنيۆەرسيتەت جانىنداعى ارحەولوگيالىق-ەتنوگرافيالىق ورتالىق ديرەكتورى ءانيا ەرماعامبەتوۆانىڭ ءمالىم ەتۋىنشە, اتالعان جەردەگى ەجەلگى قورىم ءبىرىنشى كۋرس ستۋدەنتتەرىنىڭ قاتىسۋىمەن تولىقتاي قازىلعان. سول كەزدە قورىمنان ادام, جىلقى سۇيەكتەرى تابىلعان. جىلقىنىڭ جانىندا ۇزىندىعى 1 مەترگە جۋىقتايتىن قىلىش, جەبە ساۋىت جانە ات ابزەلدەرى دە بولعان. عالىمدار تەمىر ساۋىتتى ادامعا ەمەس, اتقا ارنالعان دەگەن تۇجىرىم جاساپ وتىر.
– ءبىزدىڭ بولجامىمىز بويىنشا, قورىم وعىز داۋىرىنە جاتادى. دەمەك, بۇل ءىح-ءحى عاسىرعا تيەسىلى. سول زاماندا وعىز تايپالارى اتقا تەمىر ساۋىت جاساعانى بەلگىلى, – دەيدى ۋنيۆەرسيتەت جانىنداعى ارحەولوگيالىق-ەتنوگرافيالىق ورتالىق ديرەكتورى ءانيا ەرماعامبەتوۆا.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
– ءبىزدىڭ بولجامىمىز بويىنشا, قورىم وعىز داۋىرىنە جاتادى. دەمەك, بۇل ءىح-ءحى عاسىرعا تيەسىلى. سول زاماندا وعىز تايپالارى اتقا تەمىر ساۋىت جاساعانى بەلگىلى, – دەيدى ۋنيۆەرسيتەت جانىنداعى ارحەولوگيالىق-ەتنوگرافيالىق ورتالىق ديرەكتورى ءانيا ەرماعامبەتوۆا.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
