فوتو: astanatv.kz
بۇگىن الماتى قالالىق پد اكىمشىلىك پوليتسيا باسقارماسىنىڭ پروتسەسسينگتىك ورتالىعىنىڭ باستىعى, پوليتسيا پودپولكوۆنيگى ايدىن مەركىمباەۆ ەكى كۇننەن كەيىن مەگاپوليستە موپەدتەردى تىركەۋ جونىندەگى رەسپۋبليكالىق ناۋقان اياقتالاتىنىن حابارلادى.
«موپەدتەردى تىركەۋ ماسەلەسى – ءتارتىپ پەن قاۋىپسىزدىككە باعىتتالعان ماڭىزدى شارا. زاڭ جولدا جۇرگەندەر ءۇشىن بىردەي, ال ونى ساقتاۋ اركىمنىڭ قاۋىپسىزدىگىنىڭ كەپىلى. وزگەرىستەردىڭ ماقساتى-ءومىردى قيىنداتۋ ەمەس, ونى ساقتاپ قالۋ. ءبىز موپەدتەردىڭ قاتىسۋىمەن اپاتتىلىقتىڭ ۇرەيلى ءوسۋىن كورىپ وتىرمىز جانە مەملەكەت ۋاقتىلى ارەكەت ەتتى», دەدى پوليتسيا پودپولكوۆنيگى.
ايدىن مەركىمباەۆتىڭ ايتۋىنشا, 2024 جىلى الماتىدا موپەدتەردىڭ قاتىسۋىمەن 1084 جول-كولىك وقيعاسى تىركەلگەن.
پودپولكوۆنيك اتاپ وتكەندەي, بۇل ماسەلە جۇرگىزۋشىلىك قۇجاتتارى جوق, جول قوزعالىسى ەرەجەلەرىن بىلمەيتىن موپەد مىنگەن كۋرەرلەر اراسىندا ءجيى ورىن الادى.
«جاڭا وزگەرىستەر بىزگە موپەد يەلەرىن انىقتاۋعا عانا ەمەس, سونىمەن قاتار الماتى جولدارىنداعى جالپى ءتارتىپ دەڭگەيىن ارتتىرۋعا مۇمكىندىك بەرەدى», دەپ اتاپ ءوتتى سپيكەر.
بۇگىنگى تاڭدا الماتىدا 8 مىڭعا جۋىق كولىك قۇرالى تىركەلگەن, ولاردىڭ ءبىر بولىگى ەكستەرريتوريالىق قاعيدا بويىنشا, ياعني يەسىنىڭ تىركەلگەن جەرىنە قاراماستان راسىمدەلگەن.
پوليتسيانىڭ حابارلاۋىنشا, ناۋقان اياقتالعاننان كەيىن تىركەلمەگەن موپەدتى باسقارۋ اكىمشىلىك قۇقىق بۇزۋشىلىق بولىپ سانالادى.
