كاسىپورىننىڭ «التىنالماس» كومپانيالار توبىنا قوسىلۋى ونىڭ تۇراقتى دامۋىن قامتاماسىز ەتىپ, ونەركاسىپتىك قاۋىپسىزدىك دەڭگەيىن ارتتىرادى جانە تاۋ-كەن ءوندىرىسىن ءتيىمدى جالعاستىرۋعا جاعداي جاسايدى دەپ كۇتىلىپ وتىر.
بىلتىرعى ءساۋىر ايىندا «مايقايىڭالتىن» اق اكتسيونەرلەرى مەن «التىنالماس اك» اق اراسىندا كەلىسىم ورناعاننان كەيىن كاسىپورىنعا «التىنالماس» توبىنىڭ جوعارى بىلىكتى ماماندارى تارتىلعانى ءمالىم. ولاردىڭ باستى مىندەتى – اپات سالدارىن جويۋ, وندىرىستىك قۋاتتىلىقتاردى قالپىنا كەلتىرۋ, ينفراقۇرىلىمدى جاڭعىرتۋ جانە بارلىق پروتسەستەردى جوعارى قاۋىپسىزدىك ستاندارتتارىنا سايكەستەندىرۋ بولدى.
- 2024 جىلدىڭ تامىز ايىندا كاسىپورىندا قۇرىلىس-جوندەۋ جۇمىستارى باستالدى, ال قازان ايىندا «مايقايىڭالتىن» اق كەن ورنى قىزمەتىن قايتا جانداندىرىپ, قاراشا ايىنا قاراي جوسپارلانعان كورسەتكىشتەرگە قول جەتكىزدى. بۇعان قوسا, بەتون تولتىرمالاۋ كەشەنى ىسكە قوسىلىپ, قىزمەتكەرلەردىڭ اكىمشىلىك-تۇرمىستىق جاعدايلارىن جاقسارتۋ بويىنشا جۇمىستار جۇرگىزىلۋدە. كەلەشەكتە ءوندىرىستى ودان ءارى جاڭعىرتۋ جانە ەڭبەك تيىمدىلىگى مەن قاۋىپسىزدىگىن ارتتىرۋعا باعىتتالعان يننوۆاتسيالىق تەحنولوگيالاردى ەنگىزۋ جوسپارلانۋدا. قازىرگى ۋاقىتتا كاسىپورىندا ونەركاسىپتىك قاۋىپسىزدىك دەڭگەيىن ارتتىرۋ, وندىرىستىك الەۋەتتى دامىتۋ, سونداي-اق قىزمەتكەرلەردىڭ ەڭبەك جاعدايلارىن جاقسارتۋ جانە الەۋمەتتىك قولداۋ شارالارىن ىسكە اسىرۋ بويىنشا جۇمىستار جۇرگىزىلۋدە. بۇگىندە كومپانيا قىزمەتكەرلەرىنىڭ 95%-ى - ايماقتىڭ جەرگىلىكتى تۇرعىندارى, - دەپ حابارلادى «التىنالماس اك» كومپانياسىنان.
پاۆلودار وبلىسى
فوتو: «التىنالماس اك»
