قالانىڭ «اقتوبە» قوناق ۇيىندە, ء«ۇمىت» ءماجىلىس زالىندا قر مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ جانە «ازاماتتىق باستامالاردى قولداۋ ورتالىعى» كەاق-نىڭ قولداۋىمەن «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. وعان ء«دىن زەرتتەۋ ورتالىعىنىڭ», مەشىتتەردىڭ, ورتا جانە جوعارى وقۋ ورىندارىنىڭ جانە ت.ب ماماندارى, يمامدارى, پسيحولوگتارى, تەولوگتارى قاتىستى.
جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – ءدىنتانۋ مامانى تالدىباەۆ تولەگەن ومىرزاق ۇلى «الەۋمەتتىك جەلىدە جات اعىم يدەولوگياسىن ايقىنداۋ تەحنيكاسى مەن باق-پەن جۇمىس جاساۋ نەگىزدەرى» تاقىرىبىمەن قاتىسۋشىلارعا قازىرگى عالامتور ارقىلى زياندى كونتەنتتىڭ مانيپۋلياتسيا, راديكالدى كوزقاراستار, ەموتسيالىق اسەر ەتۋ سياقتى نەگىزگى بەلگىلەرى تۋرالى ءتۇسىندىردى. ال ءدارىستىڭ ەكىنشى بولىمىندە «جاڭا زاماندا اقپاراتتىڭ تارالۋ كوزدەرى مەن پرينتسيپتەرى. اقپارات كوزدەرىن ىرىكتەۋ تاسىلدەرى» تاقىرىبىنا ساي اقپاراتتىق وقىتۋ ءورىسىن قالىپتاستىرۋ بويىنشا قاجەتتى اقپاراتتى جيناقتاۋ-ىرىكتەۋ پراكتيكالارى جۇرگىزىلدى. سونداي-اق, اقپارات كوزدەرىن تالداۋ, ونىڭ شىنايىلىعىن تەكسەرۋ جانە جاسىرىن ماقساتتاردى انىقتاۋ ادىستەرى دە كورسەتىلدى.
سونىمەن قاتار, سەميناردى ريتوريكا مامانى امانبەك تولقىن جالعاستىرىپ, «ەففەكتيۆنايا كوممۋنيكاتسيا. كونفليكتولوگيا» تاقىرىبىندا قاتىسۋشىلارعا ءتيىمدى قارىم-قاتىناس ورناتۋ جانە كونفليكتتەرمەن جۇمىس ىستەۋ ءۇشىن پايدالى قۇرالداردى ۇسىندى. سونىمەن بىرگە, سويلەۋ تەحنيكاسىنىڭ مەڭگەرۋدىڭ ءتيىمدى جولدارىن اتاپ ءوتىپ, دۇرىس ديالوگ قۇرۋعا, ءۇننىڭ قۇلاققا جاعىمدى, ءسوزدىڭ, بۋىننىڭ اشىق, ايقىن بولۋىنا سەپتىگىن تيگىزەتىن تاسىلدەرمەن ءبولىستى.
سونىمەن قاتار, سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, تۇجىرىمدى جاۋاپتار الىندى.
