ول كۇدىكتىگە قاتىستى قىلمىستىق ءىستىڭ اياقتالعانىن, قازىرگى ۋاقىتتا پروتسەسكە قاتىسۋشىلار قىلمىستىق ءىس ماتەريالدارىمەن تانىسىپ جاتقانىن راستادى.
«ەگەر ەستەرىڭىزدە بولسا, قىلمىستىق ءىستى تەرگەۋ بارىسىندا بىزدە ءارتۇرلى كولەمدەگى شىعىن بولعان. قازىرگى ۋاقىتتا ءبىز 3,5 ميلليارد تەڭگە كولەمىندەگى شىعىن كولەمىن انىقتادىق. مەن بۇرىن قىلمىستىق جولمەن الىنعان اقشانى زاڭداستىرۋ فاكتىلەرى تۋرالى دا ايتقان ەدىم. قىلمىستىق جولمەن الىنعان اقشانى زاڭداستىرۋعا قاتىستى, ءدال وسى جەردە پەريزات قايرات گۇل دۇكەنىن ساتىپ الۋعا اقشا سالعان. وسىلايشا, ول ءوزىن قوعامعا بيزنەس-حانىم رەتىندە كورسەتكەن», دەدى ەلەمەسوۆ جۋرناليستەرگە سەناتتا وتكەن بريفينگتە.
ول پەريزات قايراتتىڭ ءوز كىناسىن مويىندامايتىنىن جانە كۋالىك بەرۋدەن باس تارتىپ وتىرعانىن اتاپ ءوتتى.
پەريزات قايراتتىڭ اناسى دا قىلمىستىق جاۋاپكەرشىلىككە تارتىلادى. وعان قاتىستى بۇلتارتپاۋ شاراسى - ۇيقاماق.
