ۇلتتىق دەڭگەيگە كوتەرىلگەنىنە ريزامىز

قۋانىش مۇحانجاروۆ, اتباسار ەلەكتروۆوز جوندەۋ زاۋىتىنىڭ باس ينجەنەرى. ەلباسى ن.نازارباەۆ ءوزىنىڭ لاۋازىمىنا قايتا كىرىسەتىندىگىنە بۇكىل ەلىمىز سەنىم­دى بولدى. ويتكەنى, تاۋەلسىز قازاقستان­نىڭ بولاشاعىن تۇڭعىش پرەزيدەنتىمىزسىز ەلەستەتۋ مۇمكىن ەمەس. ءبىز بولاشاقتىڭ ەلىمىز. ۇلىقتاۋ راسىمىندە, مەملەكەت باسشىسىنىڭ ەڭ الدىمەن وسى ماسەلەلەر­­­دى العىشارت ەتىپ الۋىنىڭ ءوزى ەرتەڭگى كۇنىمىزدىڭ جارقىندىعىن, ارينە, الدىمىزدا كوپ جۇمىس, سىن-قاتەرلەر تۇرعاندىعىن اشىپ ايتۋىنىڭ ءوزى ەلگە جاناشىرلىقتىڭ ۇلكەن بەلگىسى دەپ تۇسىنەمىن. ۇلتتىق كوميسسيا تۋرالى ۇسىنىس ءپىسىپ-جەتىلگەن دۇنيە ەدى. باقىلاۋسىز دۇنيە بوسقا اققان بۇلاق, ياعني بۇكىل ارمان-تىلەكتەردىڭ ب ۇلىڭعىرلىعىنا الىپ كەلەدى. ءبىزدىڭ الەمدەگى وزىق 30 ەلدىڭ ساپىندا بولۋىمىز – قازاقستان رەسپۋب­ليكاسىنىڭ ابىرويى. بۇل قادام­نان قايتۋعا بولمايدى. وعان جەتۋ حالىق­تىڭ ىشكى سەنىمىنە, ايقىن ۇمتىلىسىنا بايلانىستى. ارينە, زامان ىرعاعىنا قاراعاندا وعان جەتۋ وڭاي شارۋا ەمەس. بىراق, ەلباسى باستامالارىنىڭ ارقاشان جەمىستى بولۋى, قايتارىمىنىڭ الەم نازارىنا شالىنۋى قازاقستاندىق جىگەر­دى قايراي تۇسەتىنىنە سەنىمدىمىن. مۇنى ءبىزدىڭ قۇرىلعانىنا 75 جىلعا اياق باسقان 2 مىڭدىق ۇجىمىمىز جاقسى تۇسىنەدى. نۇرسۇلتان ءابىش ۇلى ۇكىمەت الدىنا باعدارلامالىق كۇردەلى تاپسىرمالار بەرۋى قازىرگى قالىپتاسقان كۇردەلى جاعدايدى اڭعارتىپ قانا قويماي, ءىسىمىزدىڭ ناقتىلىعىن كوزدەيدى. بۇل ورايدا مەن ەلباسىنىڭ ەكسپورتتى ءارتاراپتاندىرۋ ءۇشىن قاجەتتى ماڭىزدى باعىت رەتىندە كولىك مارشرۋتتارىن دامىتۋدى اتاعانىن قۇپتايمىن. كو­لىك ينفراقۇرىلىمى مەن لوگيستي­كاسى ەكونوميكانىڭ كۇرەتامىرى بولعاندىقتان, ءبىزدىڭ ۇجىم ەلىمىزدە قالىپتاسقان ىرعاقتى تومەندەتپەۋگە تىرىسادى. زاۋىت تەمىرجول لوكوموتيۆتەرىن جوندەۋ, تەحنيكالىق قىزمەت كورسەتۋ ارقىلى ولاردىڭ پايدالانۋ مەرزىمىن 20 جىلعا ۇزارتۋدى يگەرىپ وتىر. قازاق­ستان­دىق ۇلەستى ۇلعايتۋ ماقساتىندا 2000-نان استام قوسالقى بولشەكتەر مەن جاب­دىقتاردى ءوزىمىز ءوندىرۋدى يگەردىك. بيىلعى ءتورت ايدا 30 لوكوموتيۆتى باس­تان-اياق قايتا جوندەپ شىقتىق. ال, لوكو­موتيۆ جابدىقتارى مەن تەتىكتەرىن, دوڭ­عالاق جۇپتارىن جوندەۋدە جوسپارلى مەجە­دەن وزىق بولدىق. كاسىپورىن «ست رك يسو 9001-2001» جانە «ست-كZ» ساپا مەنەد­­­­جمەنتى سەرتيفيكاتىمەن جۇمىس ىستەيدى. پرەزيدەنت قولعا الىنعان شارالاردىڭ بارلىعى تاۋەلسىز ەلىمىزدىڭ گۇلدەنىپ, قۋاتتانۋىنا باعىتتالعاندىعىن شەگەلەپ ايتتى. سوندىقتان, ءبىزدىڭ كوپۇلتتى ۇجىمىمىز ەكپىندى ەڭبەگى ارقىلى ەرتەڭىمىزدى ەڭسەلەندىرۋگە لايىقتى ۇلەس قوساتىنىنا سەنىمدىمىن. اقمولا وبلىسى, اتباسار اۋدانى.