فوتو: parlam.kz
نۇرلان اۋەسباەۆتىڭ ايتۋىنشا, 2023 جىلعى 30 قاراشادا اتالعان پارتيا ەڭبەك جانە حالىقتى الەۋمەتتىك قورعاۋ مينيسترلىگىنە قۇدىقتاردى پايدالانۋ كەزىندەگى قاۋىپسىزدىك تەحنيكاسى ەرەجەلەرى بويىنشا دەپۋتاتتىق سۇراۋ جولداعان ەكەن.
«الايدا اتالعان ساۋالعا بايلانىستى ەشقانداي شارا قابىلدانبادى. وسىنداي سالعىرتتىقتان جانە قاۋىپسىزدىك ەرەجەلەرىنىڭ ساقتالماۋىنان ءولىم-ءجىتىم مەن وقىس وقيعالار ءالى دە تىركەلىپ جاتىر», دەدى دەپۋتات.
ماجىلىسمەن ايتقان مىسالدارى بارىسىندا 2024 جىلى مەرت بولعانداردى كەلتىردى. ايتۋىنشا, قاڭتار ايىندا اباي وبلىسىندا 3 جۇمىسشى ۋلانۋ سالدارىنان, مامىردا الماتىدا 2 سانتەحنيك گازدان ۋلانىپ, شىلدە ايىندا ارىس قالاسىندا 1 اسكەري قىزمەتكەر جانە بەيبىت 2 ازامات وقىس وقيعا سالدارىنان, تامىزدا اقتوبە وبلىسىندا 2 كوممۋنالدىق قىزمەتكەر مەتان گازىنان ۋلانۋدان, قىركۇيەكتە پاۆلودار وبلىسىندا 4 ادام بەلگىسىز گازدان قايتىس بولىپ كەتكەن.
«مەملەكەت باسشىسى 2025 جىلدى جۇمىسشى ماماندىقتار جىلى دەپ جاريالادى. ەگەر جۇمىس بەرۋشىلەر ەڭبەك قاۋىپسىزدىگىن قامتاماسىز ەتپەسە جانە مەملەكەتتىك ورگاندار بۇل تالاپتاردىڭ ورىندالۋىن باقىلاي الماسا, كوممۋنالدىق سالا قىزمەتكەرلەرىنىڭ وقىس جاعدايدا قازا تابۋى جالعاسا بەرمەك», دەدى ن.اۋەسباەۆ.
ن.ساتىبالدى ۇلىنىڭ سوزىنشە, وسىدان 2 جىل بۇرىن كوتەرگەن تالاپتارى وكىنىشتىسى سول, ءالى كۇنگە دەيىن وزەكتى بولىپ قالىپ وتىر.
«سوندىقتان سىزدەن تومەندەگىلەردى تاعى دا تالاپ ەتەمىز:
- كارىز جۇيەلەرى مەن وزگە دە سانتەحنيكالىق باعىتتاعى قۇدىقتاردى پايدالاناتىن زاڭدى تۇلعالارعا وڭىرلىك تالداۋ جۇرگىزۋ, ولاردىڭ ەڭبەك قاۋىپسىزدىگى نورمالارىن ساقتاۋىن جانە جەكە قورعانىس قۇرالدارى مەن گازداردى ءماجبۇرلى تۇردە شىعارۋ جابدىقتارىنىڭ بولۋىن تەكسەرۋ قاجەت, سول جۇمىس ناتيجەلەرى تۋرالى بىزگە اقپارات بەرۋ;
- اتالعان سالامەن اينالىساتىن ۇيىمداردىڭ كادرلىق الەۋەتىن زەرتتەۋ. وڭىرلەر بويىنشا بىلىكتى مامانداردىڭ جەتىسپەۋشىلىگى قانداي دەڭگەيدە, ونى شەشۋ ءۇشىن قانداي مەملەكەتتىك شارالار قاجەت ەكەنىن انىقتاۋ;
- وسى قىزمەت ءتۇرىن ليتسەنزيالاۋ قاجەتتىلىگىن تالداۋ جانە زەرتتەۋ ناتيجەلەرىن بىزگە دالەلدەمە رەتىندە ۇسىنۋ;
- قۇدىقتاردى پايدالاناتىن ۇيىمدارعا گازداردى جويۋ جانە زالالسىزداندىرۋعا ارنالعان تەحنيكالىق جابدىقتاردى مىندەتتى تۇردە ۇستاۋ تالاپتارىن بەكىتۋ, سونداي-اق قاۋىپسىزدىك ەرەجەلەرىن ساقتاماعانى ءۇشىن جاۋاپكەرشىلىكتى كۇشەيتۋ», دەپ ءسوزىن اياقتاعان ءماجىلىس دەپۋتاتى ساۋالى بويىنشا ۇكىمەت باسشىسىنان زاڭدا بەلگىلەنگەن مەرزىم بويىنشا جازباشا جاۋاپ سۇرادى.
