ءبىزدى بيىكتەتەتىن باعدارلاما

كۇليا ايداربەكوۆا, وبلىستىق مادەنيەت باسقارماسىنىڭ باسشىسى. ەلباسى جاڭعىرتۋ جونىندەگى ۇلتتىق كوميسسيا قۇرۋ قاجەتتىگىن 29 ءساۋىر كۇنى پرە­­زيدەنتتى ۇلىقتاۋ راسىمىندە جاريا ەت­كەن بولاتىن. ويتكەنى, قازىرگى زامان اعى­مى, كۇندە ساپىرىلىپ جاتقان ۋاقىت, داعدا­رىس­تىڭ جاڭا تولقىندارى بەيجاي وتىر­عان­­نىڭ نەسىبەسىن جەپ كەتەدى. راسىندا, سولاي. نۇرسۇلتان ءابىش ۇلى «مەن رەفورمالاردى جۇزەگە اسىرۋ ءۇشىن ءوزىمنىڭ بار­لىق ەرىك-جىگەرىمدى, شەشىمدىلىگىمدى كورسەتىپ, مەملەكەتتىك اپپاراتتى قوعام­نىڭ كۇش-جىگەرىن رەفورمالاردى ورىنداۋعا جۇمىل­دىرۋ نيەتىندەمىن. اسا تاياۋ ۋاقىتتا ەل پرەزيدەنتى جانىنان جاڭعىرتۋ جونىندەگى ۇلتتىق كوميسسيا قۇرىلاتىن بولادى. ونىڭ ميسسياسى – 5 رەفورمانى كەزەڭ-كەزەڭىمەن جۇزەگە اسىرۋدى باسقارۋ جانە مەملەكەتتىك ورگانداردىڭ, بيزنەس-سەكتور مەن ازاماتتىق قوعامنىڭ ءىس-قيمىلىن ۇيلەستىرۋ. ۇلتتىق كوميسسيا جانىندا قۇرامىندا بەدەلدى شەتەلدىك جانە قازاقستاندىق ساراپشىلار بار حالىقارالىق كونسۋلتاتيۆتىك كەڭەس جۇمىس ىستەيتىن بولادى. بۇل ەڭ ۇزدىك حالىقارالىق تاجىريبەنى پايدالانۋعا جاعداي جاسايدى. كوميسسيانىڭ ءبىرىنشى وتىرىسىندا مەن 5 رەفورما بويىنشا ءبىزدىڭ نە ىستەگەلى جاتقانىمىزدى تۇسىندىرەتىن «مەملەكەتتىك قۇرىلىستىڭ ودان ارعى 100 ناقتى قادامى» اتتى ۇلت جوسپارىن ۇسىنامىن. «100 قادام» – بۇل ءبىزدىڭ جاھاندىق جانە ىشكى سىن-قاتەرلەرگە, سونىمەن ءبىر مەزگىلدە, جاڭا تاريحي جاعدايلاردا 30 دامىعان مەملەكەتتىڭ قاتارىنا ەنۋ جونىندەگى جوسپارىمىز. رەفورمالاردى جۇزەگە اسىرۋ – الدا تۇرعان 10-15 جىلعا ءبىرىن­شى كەزەكتى جالپىۇلتتىق مىندەت», – دەگەن ەدى. مەملەكەت باسشىسىنىڭ باستاماسىمەن «قازاقستان-2050» ستراتەگياسى, «نۇرلى جول», 5 حالىقتىق رەفورما, «ماڭگىلىك ەل» جانە جاڭا يندۋستريالاندىرۋ باعدارلاماسى قابىلدانىپ, حالىق ونىڭ جاقسى جەمىسىن كورە باستادى. اتالعان ۇزاق مەرزىمدى باعدارلامالاردىڭ ارقاسىندا ۇكىمەتىمىزدىڭ الداعى ىستەيتىن جۇمىستارى سارالاندى. بۇگىندە الەمدىك ەكونوميكادا كوش ­باستاپ وتىرعان قىتاي حالىق رەسپۋب­لي­كاسى دا ءبىر كەزدە ورىندالمايتىنداي كورىنگەن ۇزاق مەرزىمدى ۇلتتىق باعدار­لامالارمەن ەڭسەسىن كوتەرىپ الدى. ەل­باسىنىڭ جاڭعىرتۋ جونىندەگى ۇلت­تىق كوميسسيا قۇرۋىنىڭ ارقاسىندا مەملە­كەتىمىزدىڭ كەلەشەگى كەمەلدەنە تۇسەتىندىگى كۇمان تۋدىرمايدى. وڭتۇستىك قازاقستان وبلىسى.