فوتو: ۇكىمەت
ساۋدا سالاسىندا ىسكەرلىك كەڭەستىڭ جۇمىسىنا نازار اۋدارىلدى, ول تاۋ-كەن, مۇناي-گاز جانە باسقا دا سالالاردا ارىپتەستىكتى تەرەڭدەتۋدىڭ جانە تاجىريبە الماسۋدىڭ قوسىمشا تەتىگى بولۋى ءتيىس. قازاقستاندا قولايلى بيزنەس-كليمات ورناتۋ ءۇشىن بارلىق شارالار قابىلدانىپ جاتىر.
كولىك-لوگيستيكا سالاسىنداعى, ونىڭ ىشىندە ترانسكاسپي حالىقارالىق كولىك باعىتىن دامىتۋ اياسىنداعى ىنتىماقتاستىق تا تالقىلاندى. «ورتا ءدالىز» بويىنداعى بىرلەسكەن لوگيستيكالىق جانە ينفراقۇرىلىمدىق جوبالاردىڭ كەلەشەگى قاراستىرىلدى. ەنەرگەتيكا سالاسىندا ينفراقۇرىلىمعا بىرلەسكەن ينۆەستيتسيالار تارتۋ, جاڭارتىلاتىن ەنەرگيا كوزدەرىن دامىتۋ جانە ەنەرگيا تيىمدىلىگىن ارتتىرۋ مۇمكىندىكتەرى قارالىپ, سۋ رەسۋرستارىن باسقارۋعا دا نازار اۋدارىلدى.
سونىمەن قاتار جاڭا بۋىننىڭ تسيفرلىق قىزمەتتەرىن دامىتۋ جانە جي ەلەمەنتتەرىن ەنگىزۋ بويىنشا بىرلەسكەن تەحنولوگيالىق جوبالاردى جۇزەگە اسىرۋ پەرسپەكتيۆالارى تالقىلاندى.
كەزدەسۋ سوڭىندا ەكى ەل پرەزيدەنتتەرى قول جەتكىزگەن ناقتى ۋاعدالاستىقتارى مەن بىرلەسكەن مالىمدەمەلەرىن جۇزەگە اسىرۋ ماسەلەلەرى ىنتىماقتاستىق جونىندەگى ۇكىمەتارالىق كوميسسيانىڭ ەرەكشە باقىلاۋىندا بولاتىنى اتاپ ءوتىلدى.
