فوتو: اقوردا
پرەزيدەنتتەرگە قارجى ورتالىعىنىڭ قۇرىلىمى مەن قىزمەتىنىڭ نەگىزگى باعىتتارى تۋرالى مالىمەت بەرىلدى. احقو باسقارۋشىسى رەنات بەكتۇروۆتىڭ ايتۋىنشا, بۇگىنگى تاڭدا قارجى ورتالىعى ارقىلى تارتىلعان ينۆەستيتسيا كولەمى 14,4 ميلليارد دوللارعا جەتتى. ونىڭ ىشىندە 7,1 ميلليارد دوللار – Astana International Exchange بيرجاسىنداعى پورتفەلدىك ينۆەستيتسيالار, ال 7,3 ميلليارد دوللار – احقو قاتىسۋشىلارىنىڭ ينۆەستيتسيالارى. قارجى ورتالىعىندا الەمنىڭ 80-نەن استام ەلىنەن 3700-گە جۋىق كومپانيا تىركەلگەن.
مەملەكەتتەر باسشىلارىنا پرەتسەدەنتتىك قۇقىق نورمالارى مەن قاعيداتتارىنا نەگىزدەلگەن ورتالىق ازياداعى العاشقى سوت جۇيەسى – احقو سوتىنىڭ, سونداي-اق حالىقارالىق تورەلىك ورتالىعىنىڭ جۇمىسى جونىندە باياندالدى. بۇدان بولەك, احقو قارجىلىق قىزمەتتەردى رەتتەۋ جونىندەگى كوميتەتىنىڭ (AFSA) ەرەكشەلىكتەرى تانىستىرىلدى.
احقو-عا سلوۆەنيانىڭ رەسمي دەلەگاتسيا مۇشەلەرىمەن قاتار وسى ەلدىڭ جەتەكشى كومپانيالارىنىڭ باسشىلارى دا باردى.
