شىرايلى وڭتۇستىكتىڭ شەجىرەسى

كورمە تۇڭعىش پرەزيدەنت مۋزەيىندە وڭتۇستىك قازاقستان وبلىسى مۋزەي­لەرى قورلارىنان ۇيىمداستىرىلعان “شىرايلى وڭتۇستىكتىڭ شەجىرەسى” اتتى كورمە بولىپ ءوتتى. وعان پار­لامەنت دەپۋتاتتارى مەن زيالى قاۋىم وكىلدەرى قاتىستى. اتالعان كورمە 2008 جىلدان بەرى جەمىستى ءوتىپ كەلە جاتقان “العا ۇمتىلعان قازاق­ستان” اتتى ايماقارالىق كورمە جوباسى اياسىندا وتكىزىلىپ وتىر. جيىلعان جۇرت الدىندا ءسوز العان تۇڭعىش پرەزيدەنت مۋزەيى­نىڭ ديرەكتورى الما ساعىنعالي اتالمىش شاراعا بەلسەنە ارالاسقان ءبىر توپ ازاماتتاردى العىس حاتتار­مەن ماراپاتتاسا, دەلەگاتسيانى باستاپ كەلگەن وڭتۇستىك قازاقستان وبلىسى اكىمىنىڭ ورىنباسارى ءالي بەكتاەۆ كورمەگە اكەلىنگەن سان عاسىرلىق تاريحى بار جادىگەر زاتتار ونى تاماشالاعان بارشا جۇرتتى تامساندىرماي قويمايدى دەدى. كورمەنىڭ اشىلۋىندا بەلگىلى ايتىسكەر اقىن بەكارىس شوي­بەكوۆتىڭ وڭتۇستىكتىڭ كيەلى جەر­لەرىن جىر جولدارىمەن ورنەكتەپ تانىستىرۋى, وڭتۇستىكقازاقستاندىق ءداستۇرلى انشىلەردىڭ اننەن شاشۋ شاشۋى جيىلعان جۇرتتى ءبىر سەرپىلتىپ تاستادى. بۇل كورمەگە وڭتۇستىك قازاقستان ءوڭىرىنىڭ عاسىرلار قويناۋىنان سىر شەرتەتىن تاريحي, ارحەولوگيالىق, ساۋلەت جانە بەينەلەۋ ونەرىنىڭ ۇزدىك جادىگەرلەرى قويىلعان. ۇلى جىبەك جولىنىڭ بويىندا ورنالاسقان وڭتۇستىك قازاقستان وبلىسىندا كونەدەن سىر شەرتەتىن قالالار مەن كەنتتەردىڭ, قورعاندار­دىڭ, ءتۇرلى مادەني ەسكەرتكىشتەردىڭ, عاجايىپ ساۋلەت ونەرىنىڭ باعا جەت­پەس ۇلگىلەرى, تۇتاس جانە جارتىلاي ساقتالعان قالدىقتارى از ەمەس. وسى ولكەدەن شىققان ءابۋ-ناسىر ءال-فارابي, قوجا احمەت ياساۋي, قور­قىت اتا جىرلارى وشپەس مۇراعا اينالعان. كورمە ەكسپوزيتسياسى ەكى ءبولىم­نەن تۇرادى دەسەك, وتىرار مەملە­كەتتىك ارحەلوگيالىق قورىق-مۋزەيى مەن “ازىرەت سۇلتان” مەملەكەتتىك تا­ري­حي-مادەني قورىق-مۇراجايى قور­لارىنان اكەلىنگەن سان عاسىر­لىق تاريحى بار باعا جەتپەس ارحەو­لوگيا­لىق جادىگەرلەر,سونىمەن قاتار XىXع. اياعى XX ع. باسىنداعى ماتەريال­دىق مادەنيەت ەسكەرتكىش­تەرى مەن زەرگەرلىك بۇيىمدار قويىلعان. كورمەنى تاماشالاعان قوناقتار مۋزەي الاڭىندا “شەبەرلەر قالا­سىنىڭ” ساندىك-قولدانبالى ونەر تۋىندىلارىمەن تانىسىپ, ساتىپ الۋ مۇمكىندىگىنە يە بولدى. ۇلتتىق كيىمدەر كوللەكتسياسىنىڭ اۆتورى حاليما جانتورەەۆانىڭ ايەلدەرگە ارنالعان ۇلتتىق كيىم ۇلگىسىنىڭ جيىنتىعى دا كورەرمەن نازارىنان تىس قالمادى. “شىرايلى وڭتۇستىك شەجىرەسى” كورمەسى الداعى ۋاقىتتا ءبىر اي بويى ءوز جالعاسىن تاپپاق. قىزعالداق زۇلپىحارقىزى, ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ستۋدەنتى.