مەملەكەتتىك كوميسسيانىڭ وتىرىسى ءوتتى

كەشە پارلامەنت سەناتىنىڭ توراعاسى, الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى قاسىم-جومارت توقاەۆتىڭ توراعالىق ەتۋىمەن V سەزگە ازىرلىك جانە وتكىزۋ جونىندەگى مەملەكەتتىك كوميسسيانىڭ وتىرىسى بولدى. سەزد 2015 جىلعى 10-11 ماۋسىمدا استانادا وتەدى جانە ءدىني كوشباسشىلار مەن ساياسي قايراتكەرلەردىڭ بەيبىتشىلىك جانە دامۋ جولىنداعى ۇنقاتىسۋىنا ارنالادى. قازاقستان پرەزيدەنتى ن.نازارباەۆ باستاماشىسى بولىپ تابىلاتىن ءدىني فورۋمنىڭ ماڭى­زى ەرەكشە ەكەنىنە توق­تال­عان سەزد حاتشىلىعىنىڭ باس­شىسى ق.توقاەۆ «بۇل فورۋمدى ءتيىمدى جانە ىسكەرلىك تۇرعى­سىندا وتكىزۋدى قاراستىرا وتىرىپ, شارانى جوعارى دەڭگەيدە ۇيىمداستىرۋدى قامتاماسىز ەتۋ كەرەكتىگىنە» مەملەكەتتىك كوميسسيا مۇشەلەرىنىڭ نازارىن اۋداردى. سەنات توراعاسى سەزدىڭ تۇجىرىمدامالىق, يدەولوگيالىق جانە ساياسي ماسەلەلەرى تۋرالى ءوز ويلارىن ورتاعا سالدى, سونداي-اق مەكەمەلەردىڭ باسشىلارىنا تاپسىرمالار بەردى. «الەمدىك جانە ءداستۇرلى دىندەر ليدەرلەرىنىڭ V سەزىنە ازىرلىك جانە ونى وتكىزۋ جونىندەگى شارالار جوسپارى بەكىتىلدى. قازىرگى كەزدە وسى جوسپاردى ىسكە اسىرۋ جونىندەگى جۇمىستار باستالدى. وسى ءىستى ۇيىمداستىرۋعا تارتىلعان بارلىق مينيسترلىكتەر مەن مەكەمەلەر شارانى تابىستى وتكىزۋ ءۇشىن تىعىز بايلانىستا جانە جۇمىلا ارەكەتتەسۋى كەرەك», دەپ اتاپ ءوتتى ق.توقاەۆ. الەمدىك جانە ءداستۇرلى دىندەر ليدەرلەرىنىڭ V سەزىن ۇيىمداستىرۋ جونىندەگى اتقارىل­عان جۇمىستار بويىنشا مەم­لەكەتتىك كوميسسيانىڭ حاتشىسى, پارلامەنت سەناتى اپپاراتىنىڭ باسشىسى ا.سۋدين, سىرتقى ىستەر ءمينيسترى ە.ىدىرىسوۆ, مادەنيەت جانە سپورت ءمينيسترى ا.مۇحامەدي ۇلى, ىشكى ىستەر ءمينيسترى ق.قاسىموۆ, استانا اكىمىنىڭ ورىنباسارى ە.امانشاەۆ ءسوز سويلەدى, دەپ حابارلادى سەناتتىڭ ءباسپاسوز قىزمەتى.