اقش ەلشىسىن قابىلدادى

ءماجىلىس توراعاسى قابيبوللا جاقىپوۆ اقش-تىڭ قازاقستانداعى توتەنشە جانە وكىلەتتى ەلشىسى دجوردج كرولدى قابىلدادى, دەپ حابارلادى پارلامەنت ءماجىلىسىنىڭ ءباسپاسوز قىزمەتى. ءماجىلىس سپيكەرى مەيماندى ەلشىلىك قىزمەتكە تاعايىن­دالۋىمەن قۇتتىقتاي كەلىپ, ەكى ەل اراسىنداعى ءوزارا تۇسىنىستىك پەن ساياسي ۇنقاتىسۋدىڭ الداعى ۋاقىتتا ودان ءارى نىعايا تۇسەتىنىنە سەنىم ءبىلدىردى. كەزدەسۋگە قاتىسۋشىلار يەلەرى قازاقستاندا ءوت­كەن پرەزيدەنتتىك سايلاۋعا اي­رىقشا نازار اۋداردى. قابيبوللا جاقىپوۆ قازاق­ستان­دىقتاردىڭ نۇرسۇلتان نازار­باەۆقا دەگەن شەكسىز قولداۋى مەن سايلاۋشىلاردىڭ جوعارى بەلسەندىلىگىن العا تارتا كەلىپ, قازاقستان حالقى ەلباسىنىڭ ساياسي باعىتىن جالعاستىرۋعا, بەي­بىت­شىلىك پەن تۇراقتىلىققا داۋىس بەرگەنىن اتاپ ءوتتى. ەلشى ءوز كەزەگىندە قازاقستان­دىقتاردى حالىقتىڭ شىنايى ءتى­لەگىن جەتكىزگەن سايلاۋدىڭ تابىس­تى وتۋىمەن قۇتتىقتاپ, ودان ءارى قا­زاق­ستاننىڭ بۇگىنگى كۇنى تاڭعا­لار­لىق جەتىستىكتەرگە قول جەت­كىزگەنىن, پرەزيدەنت جوسپارىنىڭ ءبىز­دىڭ ەلىمىز ءۇشىن دامۋدىڭ جاڭا مۇمكىندىكتەرىن اشاتىنىن جەت­كىزدى. تاراپتار ەلباسى باستاماشى بولعان 5 ينستيتۋتتىق رە­فو­ر­مانىڭ ماڭىزدىلىعىنا توق­تالدى. ءماجىلىس توراعاسىنىڭ اتاپ ءوت­كە­نىندەي, ونى كەزەڭ-كەزەڭ­مەن جۇزەگە اسىرۋدى جاڭعىرتۋ ءجو­نىن­دەگى ۇلتتىق كوميسسيا قولعا الادى. قابيبوللا جاقىپوۆ پەن دجوردج كرول قوس مەملەكەتتىڭ ساۋدا-ەكونوميكالىق, مادەني-گۋ­مانيتارلىق سالالاردا, تەحنولوگيا جانە يننوۆاتسيا باعىتتارىندا, سونداي-اق, پارلامەنتارالىق ىنتى­ماقتاستىقتى كۇشەيتۋ الەۋە­تىنىڭ زور ەكەندىگىن ءسوز ەتىپ, قا­زاق­ستاندىق-امەريكالىق قارىم-قاتىناستىڭ ستراتەگيالىق سيپاتىنا نازار اۋداردى. ءماجىلىس سپيكەرى ەلشىنى ق­ازاق­ستاندا «قازاقستان-2050» سترا­تە­گياسى مەن «نۇرلى جول» اياسىندا جۇزەگە اسىرىلىپ جاتقان ماڭىزدى باعدارلامالاردان حاباردار ەتتى.