فۋتبولدى ويلاپ تاپقاندار اۋىلىنا قايتتى

ال قازىلار ءادىل بولا الماي جاتىر... باستالدى! شيرەك فينالعا ءوتۋ ءۇشىن تۇلا بويىنداعى بارىڭدى سىعىپ بەرىپ, ەشقانداي قاتەلىككە جول بەرمەۋىڭ كەرەك. بۇل توپتىق كەزدەسۋ ەمەس, ەندىگى جەڭىلگەنگە ءۇمىت جوق. الەم چەمپيوناتى ەسىگىن ىشىنەن ايقارا جاۋىپ الادى. فۋتبول الامانى بايگەسىنە دۇنيە جۇزىندەگى ەڭ مىقتى سانا­لاتىن مەملەكەتتەر پرەزيدەنتتەرى­نىڭ دە ىقپال ەتۋگە كۇشى جەتپەيدى. ءالجيردى ەكى تايمعا جۇك قىپ ارتقان قوسىمشا مينۋتتا گول سالىپ ۇتىپ, پلەي-وففقا وتكەن اقش قۇراماسىن ارنايى قۇت­تىقتاعان باراك وباما كەلەسى ماتچتا گانانى دا ۇتىپ, امەريكا بايراعىن كوتەرۋدى تىلەپ ەدى. افريكا قۇرلىعى قۇرامالارى­نان جالعىز قالعان گانا باراك وباما تىزەرلەپ وتىرىپ, قيىلىپ وتىرىپ وتىنسە دە مەملەكەتىنىڭ نامىسىن بەرمەك ەمەس. سولاي بولدى دا. قارا مارجان جىگىتتەر ەكى تايم بويى باسىمدىلىقتارىن ايقىن اڭعارتتى. ويىنىڭ 5-ءى مينۋتىندا-اق كەۆين-پرينو بواتەنگ الاڭ ورتاسىنان دوپ قاقشىپ الىپ, اقش قاقپاسىنا جالعىز ءوزى سۇركىل سالدى. ونىڭ ون بەس مەتر جەردەن كەرىلىپ تەپكەن دوبىن تيم كوۆارد ۇستاي الماعان. امەريكالىقتاردى قورعانىس شەبىنە كىرگىزبەۋ ءۇشىن بار امال-ايلا جاساپ جۇرگەن گانالىقتار ءوز ايىپ الاڭىندا ءتارتىپ بۇزدى. ون ءبىر مەترلىكتى دونوۆان جاقسى-اق پايدالاندى. ەسەپ تەڭەلىپ, امەري­كالىقتار كوڭىلدەرىن دەمدەگەنى­مەن قارا مارجان جىگىتتەر كەلىس­پەگەن ەكەن. تورەشى بەلگىلەگەن قوسىمشا مينۋتتاردا اساماو گيان امەريكا­لىقتاردىڭ قاقپا ءتورىن تۋلاتىپ كەتتى. ەسەپ – 2:1. تەكە ءجاۋمىت ارعىماقتاي ويقاستاعان گانالىقتار شيرەك فينالعا ءوتتى. ال پورت ەليزابەت ستا­ديو­نىندا وتكەن ۋرۋگۆاي-وڭتۇستىك كورەيا كەزدەسۋى 2:1 ەسەبىمەن اياق­تالدى. كورەي لي چحۋن ەن سوققان گولعا ۋرۋگۆايلىقتار سۇرمەرگەنى لۋيس سۋارەس ەكى ادەمى گولمەن جاۋاپ بەردى. باس باپكەر وسكار تابارەستىڭ كوڭىلى توق. ء“بىزدىڭ قۇراما كەز كەل­گەن قارسىلاستىڭ قۇتىن قاشىرا­دى. ءار ماتچ سايىن ويىن ورنەگى كۇشەيىپ كەلە جاتىر” دەيدى ول. ەندى ولار شيرەك فينالدا گانا­لىقتارمەن كەزدەسەدى. ال فۋتبولدى ويلاپ تاپقان ەلدىڭ جىگىتتەرى ايتۋلى نەمىس ما­شيناسىنىڭ اسۋىنان وتە المادى. گەرمانيا – انگليا 4:1. گول سوققاندار: كلوزە 20 (1:0), پو­دولسكي 32 (2:0), اپسون 37 (2:1), ميۋللەر 68 (3:1), ميۋللەر 70 (4:1). نەمىستەر الاڭعا تاس-ءتۇيىن شىق­قاندارىن العاشقى ون مي­نۋتتىڭ ىشىندە-اق تانىتتى. مەسۋت وزيل قورعانىستى بۇزىپ جارىپ, قاقپانى كوزدەگەندە دجەيمس اۋپىرىممەن قۇتقارىپ قالدى. وسىدان كەيىن اعىلشىنداردىڭ قورعانىسىنىڭ سىر بەرەتىندىگى بايقالعان. نويەر ءوز قاقپاسى تۇسىنان شىرەنە تەپكەندە دوپ قارسى جاق قاقپا ماڭىندا ويقاس­تاپ جۇرگەن كلوزە مەن قورعاۋشى اپسوننىڭ ورتاسىنا ءتۇستى. كلوزە سول قاپتا­لىندا كەلە جاتقان اپسوندى ۇزىن قولى­مەن تىرەپ العا وز­دىر­ماعان كۇيى قاق­پا­عا جەتتى. دجەيمس تە قارسى اتىلعان. قۇ­لاپ بارا جاتىپ جا­­نىنان دوپتى تەۋىپ ۇلگەردى كلوزە. اعىل­شىندار ءوزدى-وزىنە كەلگەنشە اراعا ون مينۋت سالىپ پو­دولسكي گول سالىپ كەتتى. سول قاناتپەن سۋ بەتىندەگى قايىقتاي سىرعىعان ميۋللەر ايىپ الاڭى تۇسىنان قاپتالداسىپ كەلىپ قالعان پودول­سكيگە ادەمى پاس بەرگەن. تاعى دا قورعاۋشىلاردىڭ قاتەلىگى. قاقپا اشىق قالدى. اعىلشىندار جاعداي تۋرا وسىنداي بولادى دەگەندى كۇتپەسە كەرەك. ەۋروپاداعى باسەكەلەس ەكى قۇرامانىڭ اراسىنداعى كەزدەسۋ­لەردىڭ ون ەكىسىندە اعىلشىندار, ون ماتچتا نەمىستەر جەڭىس تويىن تويلاعان ەكەن. بەس كەزدەسۋ تەڭ اياقتالعان. سىرالعى قارسىلاسقا العاشقى تايمدا-اق تىزگىندى بەرۋگە باسقا-باسقا, بىراق اعىلشىندار كەلىس­پەيدى. لەمپاردتىڭ ايىپ الاڭى­نىڭ سىرتىنان تەپكەن دوبىن قورعاۋشى اپسون باسپەن قاقپاعا دارىتقان. اراعا مينۋت سالىپ سول لەمپارد ويىندى تەرەزەسى تەڭ جاعدايعا جەتكىزگەن ەدى. ول تەپكەن دوپ نەمىستەردىڭ قاقپاسى ماڭدايشاسىنا ءتيىپ, جەرگە سوعىلىپ قايتا ماڭداي­شادان سەرپىلگەندە نويەر ۇستاپ الدى. ۆيدەوقايتالاۋ دوپتىڭ قاقپا سىزىعىنان ىشكە ەنگەنىن انىق كورسەتكەنىمەن ۋرۋگۆايلىق قازى حورحەنىڭ سول مەزەت كوزى جەت­پەدى. ساناعان جوق. فابيو كاپەللو كوككە ۇشىپ, جەرگە تۇسكەنىمەن, جوق ساقالىن جۇلعانىمەن اربيتر­دىڭ شەشىمىن ەشكىم بۇزا المايدى. ەكىنشى تايمدا اعىل­شىندار نەمىس­تەر قاقپا­سىنا لاپ قويدى. دجە­رارد, دەفو باستاعان نويانداردىڭ گول سوعاتىن مۇمكىن­دىكتەرى بولدى. ىسقاياق اعىلشىندار شابۋىلمەن باس قاتىرىپ جۇرگەندە شارۋالارىنا تاستاي نەمىستەر ەسەپتى ەسەلەپ كەتتى. ميۋللەر جاۋاپسىز ەكى گول سوقتى. اعىلشىندار كادىمگىدەي ەسەڭگىرەپ قالدى. ويىننان سوڭ فابيو كاپەللو گەرمانيا قۇرا­ما­سىنىڭ جاقسى ويناعانىن ايتتى. “مۇنداي ماتچتا ءاربىر دەتال جاۋاپتى ءرول اتقارادى. تورەشىنىڭ لەمپاردتىڭ سوققان گولىن ەسەپتەمەۋى ويىن ورنەگىنە قاتتى اسەر ەتتى” دەيدى ول. تورونتودا “ۇلكەن جيىرما­لىق­تىڭ” سامميتىندە كەلەلى ماسە­ل­ە­ل­ەر­دى تالقىلاپ جاتقان گەرما­نيا كانتس­­لەرى انگەلا مەركەل مەن اعىل­­شىنداردىڭ پرەمەر-ءمينيسترى دە­ۆيد كەمەرتون فۋتبولدى بىرگە تاما­شالاعان ەكەن. اعىلشىن پرەمەر- ءمينيسترى نەمىستەردىڭ جاق­سى ويىنى­مەن ارىپتەسىن قۇتتىقتاعان. “مەن ءالى ويىننىڭ ىرقىنان شىعا الماي ءجۇرمىن, – دەپتى مەر­كەل. ءبىزدىڭ فۋتبولشىلار وتە جاق­سى ويىن كورسەتتى. ءارى قاراي دا جول­دارى وڭعارىلاتىنا تىلەك­تەسپىن”. ەندى گەرمانيا شيرەك فينالدا مەكسيكانى 3:1 ەسەبىمەن جولدا قالدىرعان ارگەنتينامەن جاسىل الاڭعا شىعادى. الەم چەمپيوناتىنىڭ الدىندا ارگەنتينا قۇراماسىنىڭ باس باپ­كەرى مارادونانى سىنعا العاندار كوپ بولعان. سونىڭ ءبىرى داڭقتى پەلە ديەگونىڭ باپكەر­لىگىنە شەك كەلتىرگەن. مارادونادا قاراپ قالۋ­شى ما ەدى. “پەلەنىڭ مۇراجايدا تۇ­را­تىن ۋاقىتى بولدى. اقىلى ار­تىپ بارا جاتسا باسىنا مايلاپ جاق­سىن” دەگەن سىڭايدا بۇرق ەتە قالعان. قورعانىستى ەمەس, شابۋىلدى جاقسى كورەتىن مارادونانىڭ ءشا­كىرت­تەرى ءبىرىنشى تايمدا-اق ماسە­لەنى شەشىپ تاستادى. ويىن­نىڭ 26-مينۋتىندا كارلوس تەۆەس سال­عان گول ەكى قۇرامانىڭ ءسال بول­ما­عاندا توبەلەسىپ قالۋىنا سە­بەپ­كەر بولا جازدادى. قورعاۋ­شى­لاردى قوعاداي جاپىرىپ ايىپ الاڭىنا جەتكەن مەسسي قاقپا ماڭىندا تۇر­عان تەۆەس­كە دوپ اسىر­عان. قاق­پا­شى پە­رەس الىپ ءۇل­­­­­گە­رە ال­ما­دى. سول كەز­دە تە­ۆەس باس­­پەن كىر­­­گ­ىزىپ جىبەر­دى. بەي­نەتاسپا تە­ۆەس­تىڭ وف­سايد­­تا تۇر­عا­نىن كور­سەتتى. ارگەنتي­نا­لىقتار دا, مەك­سيكالىقتار دا قانى بوي­لارىنا سىي­ماي جۇرەتىن ءورشىل ۇلتتار. ءبىرىنشى تايم­نان سوڭ شە­شى­نەتىن ءبول­مەگە بەتتەپ با­را جا­تىپ, تا­عى دا شەكى­سىپ قالا جازداپ­تى. ال­ يگۋاين قارسى قاقپا جانىندا جەمتىگىن ىزدەگەن ءبۇر­كىتتەي شۇيلىگىپ ءجۇر ەدى. وسوريو ارىپتەسىنە دوپ اسىرماق بولىپ وڭباي قاتەلەستى. يگۋاين ءىلىپ اكەتتى. گول! 2:0. ەكىنشى تايمدا تەۆەس جيىرما بەس مەتر قاشىقتىقتان ادەمى گول سالدى. مەكسيكالىقتار دا قاراپ قالماعان. بىرنەشە رەت ارگەنتينا قاقپاسىنىڭ الدىندا اتوي سالىپ, قاقپانىڭ كىلتىن اشا جازدادى. 71-مينۋتتا حاۆي ەرناندەس دەگەنىنە جەتتى. ەسەپ 3:1. كۇن وتكەن سايىن الەم چەم­پيوناتىنىڭ قىزىعى كوبەيىپ كەلەدى. شىجىعى دا جەتكىلىكتى. انگليا قۇنى ات باسىنداي التىنعا بەرگىسىز دوبىن ۇرلاتىپ الدى. ارگەنتينالىق تەۆەستىڭ وففسايدتان سالعان دوبى ەسەپتەلدى. بۇل – تورەشىلەردىڭ كوپە-كورى­نەۋ قاتەلىگى. ال فيفا كوزىن جۇمىپ, قۇلاقتارىن قوس الا­قانىمەن جاۋىپ وتىر. باقتيار تايجان.