فوتو: اشىق دەرەككوزدەن
ءپىتىر ساداقا ازاماتتاردى جومارتتىققا باۋلىپ, ادامزات اراسىنداعى باۋىرمالدىقتى بەرىك ەتە تۇسۋمەن قاتار, رامازان ايىندا ءبىلىپ-بىلمەي جاسالعان كەم-كەتىكتى جويادى. بۇل تۋرالى ءحاديسشى ۋاكي يبن ءال-ءجارراح تا (ر.ا.) بىلاي دەيدى:
«رامازان ايىنداعى ءپىتىر ساداقا - نامازداعى ءساھۋ ساجدەسى ىسپەتتى. نامازدا جىبەرگەن قاتەلىكتى ءساھۋ ساجدەسى ارقىلى تولىقتىراتىن بولساق, رامازاندا جىبەرگەن كەم-كەتىكتەردى ءپىتىر ساداقاسى ارقىلى جويامىز».
بيىل قازاقستان مۇسىلماندارى ءدىني باسقاراماسىنىڭ تورالقا ماجىلىسىندە ءپىتىر ساداقاسى ەلىمىز بويىنشا ەكى كەلى ۇننىڭ ورتاشا باعاسى نەگىزىندە 655 تەڭگە بولىپ بەكىتىلگەن ەدى.
ءدىن عالىمدارى ونى رامازان ايىنىڭ ىشىندە نەمەسە ايت نامازىنا دەيىن بەرۋ كەرەك ەكەنىن ايتادى.
پايعامبارىمىز (س.ا.ۋ.) ءپىتىر ساداقانى ايت نامازىنا شىقپاي تۇرىپ بەرەتىن بولعان. پايعامبارىمىز (س.ا.ۋ.) «وسىنداي كۇندە (ايت مەيرامى كۇنى) كەدەيلەردى قايىر-ساداق تىلەۋگە ءماجبۇر ەتپەڭدەر» -دەگەن.
فيقھ عالىمدارى ءپىتىر ساداقاسىن ايت كۇنى تاڭ اتقان سوڭ ايت نامازىن وقىماي تۇرىپ بەرۋ ۇنامدى امال دەيدى.
