*بيىل قمگ مۇناي مەن گاز ءوندىرۋ جانە تاسىمالداۋ كولەمىن ساقتاپ قالۋعا نيەتتى. قۇرىلىمنىڭ باسقارما توراعاسى ساۋات مىڭباەۆتىڭ سوزىنە قاراعاندا, مۇناي ءوندىرۋ دەڭگەيى وتكەن جىلى شامامەن 22,3 ملن., ماگيسترالدى قۇبىرلارمەن كومىرسۋتەكتەر تاسىمالداۋ كولەمى 64 ملن., تەڭىز ارقىلى تاسىمالداۋ 9,6 ملن. توننانى قۇراعان. ال تابيعي گازدى ءوندىرۋ 4,7 ملن. تەكشە مەترگە جەتكەن.
*بىلتىر ەلىمىزدە ونكولوگيالىق اۋرۋلاردى انىقتاۋ سكرينينگىنەن 2,3 ملن.-نان استام ادام ءوتتى. دەنساۋلىق ساقتاۋ جانە الەۋمەتتىك دامۋ مينيسترلىگى حابارلاعانداي, بۇگىندە مەملەكەتىمىزدە ونكولوگيالىق كومەكتى دامىتۋ باعدارلاماسى اياسىندا 11 وڭىردە 6 ءتۇرلى الدىن الۋ شارالارى جۇزەگە اسىرىلىپ جاتىر.
*استانالىق ستۋدەنتتەر ارداگەرلەرگە كومەكتەسۋدە. قالالىق جاستار ساياساتى ماسەلەلەرى باسقارماسىنىڭ ۇيىمداستىرۋىمەن جەڭىستىڭ 70 جىلدىعىنا ارنالعان «ارداگەر» اكتسياسى باستالدى. ەلوردانىڭ بەلسەندى جاستارى تىزە قوسىپ, ارداگەرلەرگە كومەك بەرۋدى ءجون كورىپ وتىر. بەلسەندى توپ اتالمىش اكتسيا شەڭبەرىندە بارلىق ارداگەرلەردىڭ ۇيىنە بارىپ, ولاردى كەلە جاتقان مەرەكەمەن قۇتتىقتاپ شىعادى.
*قاراعاندىداعى «مۇراگەر» مەكتەبىنىڭ وقۋشىلارى «اقىلدى» روبوتتار جاساپ شىعاردى. بالالار ولاردىڭ بىرىنە «مۇراگەر» دەگەن ەسىم بەرىپتى. ول 19 ءتىل مەن كوپتەگەن ماتەماتيكالىق فورمۋلالاردى بىلەدى ءارى كەز كەلگەن سۇراققا جاۋاپ بەرەدى. مەكتەپ مۇعالىمدەرى بۇگىندە روبوتتار سانى كۇن ساناپ ءوسىپ كەلە جاتقانىن ايتادى.
*وڭتۇستىك قازاقستاندا وتباسىلىق كاسىپكەرلىكتى ءورىستەتۋگە باسا نازار اۋدارىلىپ وتىر. بىلتىر ايماقتا ءۇيىرگەلىك شارۋاشىلىقتاردا 10-15 باس مالدى بورداقىلاپ, ساۋىن سيىر ۇستاۋ ءۇشىن ءتۇرلى قارجى كوزدەرىنەن 5,9 ملرد. تەڭگەدەي پايىزى تومەن نەسيە بولىنگەن. وبلىستىق اۋىل شارۋاشىلىعى باسقارماسىنىڭ باسشىسى قاناتبەك وسپانبەكوۆ شارۋاشىلىقتى دامىتۋ باعدارلاماسى اياسىندا 3 جىلدىڭ كولەمىندە 21 مىڭ ادام جۇمىسپەن قامتىلادى, دەپ مالىمدەدى.
*شىعىس قازاقستاندا ەلىمىز بويىنشا العاشقى «كاسىپكەرلەر ءۇيى» اشىلدى. ۇلتتىق كاسىپكەرلەر پالاتاسى (ۇكپ) باسقارما توراعاسىنىڭ ورىنباسارى نۇرجان التاەۆتىڭ ايتۋىنشا, مۇنداي ورتالىقتار «قازاقستاننىڭ حالىق بانكى» اق مەن ۇكپ اراسىندا قول قويىلعان مەموراندۋم نەگىزىندە ءاربىر اۋداندا اشىلاتىن كورىنەدى. ولاردا بيزنەستى مەملەكەتتىك قولداۋدىڭ بارلىق قىزمەتى ۇسىنىلادى.
*ەۋرو-5 جانارمايى ەندى ەلىمىزدە دە وندىرىلەدى. باتىس قازاقستاندا ەكولوگيالىق جاعىنان تازا ءونىم سانالاتىن ەۋرو-5 جانارمايىن شىعارۋعا ارنالعان كەشەن قۇرىلىسى اياقتالۋعا جاقىن. «كوندەنسات» كومپانيالار توبى ديرەكتورلار كەڭەسىنىڭ توراعاسى ۆالەري ءجۇنىسوۆتىڭ دەرەگىنشە, ءبىرىنشى كەزەڭدە جىلىنا 200 مىڭ توننا جوعارى وكتاندى ەتيلسىز كا5 بەنزينىن ءوندىرۋ جوسپاردا تۇر. ال ەكىنشى كەزەڭ اياسىندا ەكولوگيالىق تازا ديزەل وتىنى شىعارىلادى. زاۋىت وسى جىلدىڭ ءىىى توقسانىندا ىسكە قوسىلادى دەپ كۇتىلۋدە.
*اقتوبەدە اۋىل شارۋاشىلىعى ونىمدەرىنىڭ كوشپەلى جارمەڭكەلەرى باستالدى. قالالىق اكىمدىك ءمالىم ەتكەندەي, شاھارعا قاراستى 5 اۋىلدىق وكرۋگتە وتەتىن بۇل شارالار اقپان جانە ناۋرىز ايلارىندا ءار سەنبى سايىن ۇيىمداستىرىلادى. جارمەڭكەلەردە نەگىزگى ازىق-ت ۇلىك ونىمدەرى تومەن باعامەن ساتىلادى.
حابارلار ۇكىمەت, وبلىستىق اكىمدىكتەر سايتتارى, «قازاقپارات» اگەنتتىگى جانە «24kz» تەلەارناسىنىڭ دەرەكتەرى بويىنشا دايىندالدى.
سوڭعى جاڭالىقتار
بىرىككەن اراب امىرلىكتەرى وپەك ۇيىمدارىنان شىعاتىنىن مالىمدەدى
الەم • بۇگىن, 19:02
دارىگەرلەر ايەلدىڭ انالىق بەزىنەن 6 كگ ىسىكتى الىپ تاستادى
مەديتسينا • بۇگىن, 18:45
تۇركىستان وبلىسىندا ايەل تۋعان اكەسىن « ۇلىمدى زورلادى» دەپ ايىپتادى
وقيعا • بۇگىن, 18:20
ولىمگە اكەلۋى مۇمكىن: قازاقستاننىڭ 4 وڭىرىندە اسا قاۋىپتى ۆيرۋس تارالىپ جاتىر
قوعام • بۇگىن, 18:04
استانا, الماتى جانە شىمكەنت: الداعى كۇندەرى اۋا رايى قانداي بولادى؟
اۋا رايى • بۇگىن, 17:55
تۇركىستان وبلىسىندا ءشيبورى بالالارعا شابۋىل جاساعان
وقيعا • بۇگىن, 17:40
استانادا 12 قاباتتى تۇرعىن ۇيدەن ءورت شىقتى
توتەنشە جاعداي • بۇگىن, 17:29
تاسقىن قاۋپى: شىعىس قازاقستان مەن سولتۇستىك قازاقستانداعى احۋال قانداي؟
قازاقستان • بۇگىن, 17:11
جەكە كۋالىكتى ونلاين راسىمدەۋ نەگە قيىن؟ مينيسترلىك جۇيەدەگى اقاۋلاردى ءتۇسىندىردى
وقيعا • بۇگىن, 16:59
ەربول تۇياقباەۆ ەڭبەك قاۋىپسىزدىگىن دامىتۋدىڭ نەگىزگى باعىتتارىن اتادى
قوعام • بۇگىن, 16:37
سوڭعى بەس جىلداعى وڭ وزگەرىس: ەلىمىزدە وندىرىستىك جاراقاتتانۋ دەڭگەيى 8,3%-عا ازايدى
قوعام • بۇگىن, 16:22
استانادا اقىلى ەۆاكۋاتسيا كۇشىنە ەندى: كولىكتى قاي جەرگە قويۋعا بولمايدى؟
قوعام • بۇگىن, 16:17
60 جىلدىق جۇمباق: 23 جاستاعى جىگىت ChatGPT كومەگىمەن كۇردەلى ەسەپتىڭ شەشىمىن تاپتى
عىلىم • بۇگىن, 16:03
«Ascle» جوباسى: جاساندى ينتەللەكت دارىگەر قابىلداۋىنداعى كەزەكتى ازايتۋعا كومەكتەسەدى
مەديتسينا • بۇگىن, 15:22
