ەلشىنىڭ مينيسترمەن كەزدەسۋى

قازاقستاننىڭ كاناداداعى ەلشىسى كونستانتين جيگالوۆ وسى ەلدىڭ مەملەكەتتىك سىرتقى ىستەر جانە كونسۋلدىق قىزمەت ءمينيسترى لين ەليچپەن كەزدەستى. كەزدەسۋ بارىسىندا وتكەن جىلى مينيستر ل.ەليچ استانا ەكونوميكالىق فورۋمىنا العاش­قى رەت قاتىسقان قازاقستان-كانادا ارىپتەستىگىنىڭ ءساتتى قورى­تىن­دىلارىن تالقىلادى. وسىدان سوڭ قر سىرتقى ىستەر ءمينيسترىنىڭ ورىنباسارى ەرجان اشىقباەۆتىڭ ماۋسىمدا وتتاۆاعا جانە 2014 جىلعى قىركۇيەكتە قازاقستان-كانادا پارلامەنتتىك “دوستاستىق توبىنىڭ” تەڭ توراعاسى – قاۋىمدار پالاتاسىنىڭ دەپۋتاتى لەون بەنۋا باستاعان كانادا پارلامەنتى دەلەگاتسياسىنىڭ الماتى مەن استاناعا ساپارلارى جۇزەگە استى. ولار, سونى­مەن قاتار, اتوم قۋاتىن بەيبىت ماقساتتاردا پايدالانۋ سالاسىن­داعى ىنتىماقتاستىق تۋرالى ۇكىمەت­ارالىق كەلىسىمنىڭ كۇشىنە ەنگەنىن جانە «Bombardier» كومپانياسى­مەن «Q400» ۇشاق ۇلگىلەرىن جەتكىزۋ مەن قازاقستاندا جاڭا اۋە كومپانياسىن قۇرۋ تۋرالى ءوزارا تۇسىنۋشىلىك مەموراندۋمىنا قول قويۋىن قۋاتتادى. اڭگىمەلەسۋ بارىسىندا ك.جيگالوۆ پەن ل.ەليچ ەكى­جاق­تى ساۋدا-ينۆەستيتسيالىق بايلا­نىستاردىڭ ماڭىزدىلىعىن اتاپ ءوتتى. قازاقستان-كانادا ءىس­كەر­لىك كەڭە­سىن جاقىن ارادا قۇرۋ ەكى مەم­لە­كەتتىڭ ەكونوميكالىق ارىپتەستى­گىنە تىڭ سەرپىن قوساتىن بولادى. ل.ەليچ قازاقستاندا قىزمەت ەتەتىن كانادالىق كومپانيالاردىڭ دەمەۋشىلىك قولداۋىمەن ىسكەرلىك ماعلۇماتنامالاردىڭ باسىلىمىن قوشەمەتتەدى. ىسكەرلىك ماع­لۇ­ماتناما كانادالىق ينۆەستي­تسيا­لاردى قازاقستان ەكونوميكا­سىنا تارتۋ مەن ىسكەرلىك بايلا­نىس­تارىنىڭ كەڭەيۋىنە باعىتتالعان. تاراپتار ەكىجاقتى قاتىناس پەن وزەكتى حالىقارالىق ماسەلەلەردى, سونىڭ ىشىندە قازاقستاننىڭ 2017-2018 جىلدارى بۇۇ قاۋىپسىزدىك كەڭەسىنە تۇراقتى ەمەس مۇشەلىككە ءوتۋى بويىنشا قازىرگى جاعدايى تالقىلاندى. ەلشى ءمينيستردى پرەزيدەنت ن.ءا.نازارباەۆتىڭ قازاقستان حالقىنا «نۇرلى جول – بولاشاققا باستار جول» اتتى جولداۋىنىڭ نەگىزگى تەزيستەرى جايىندا حابارلادى. «ەگەمەن-اقپارات».