فوتو: اشىق دەرەككوز
بۇل جايىندا ۇلىتاۋ وبلىسىنىڭ اكىمى داستان رىسپەكوۆ قر ۇكىمەتىنىڭ وتىرىسىندا مالىمدەدى.
قالدىقتاردى قايتا وڭدەۋ تسەحىن 2026 جىلى ىسكە قوسۋ جوسپارلاندى. ال بارلىق كەشەندى جۇمىس 2027 جىلى اياقتالادى. تسەحقا قالدىقتار قولدانىستاعى پوليگونداردان جەتكىزىلىپ تۇرماق.
جوبانىڭ جالپى قۇنى 840 ملن تەڭگە, ونىڭ ىشىندە ينۆەستوردىڭ ءوز قاراجاتى 134 ملن تەڭگەنى, ال 705 ملن تەڭگە ليزينگتىك قارجىلاندىرۋ سومماسىن قۇرايدى, بۇل قاراجات ونەركاسىپتى دامىتۋ قورى ارقىلى 2025 جىلعى 18 ناۋرىزدا ماقۇلداندى.
ۇكىمەت وتىرىسىندا جايرەم تاۋ-كەن بايىتۋ كومبيناتىمەن مەموراندۋم اياسىنداعى جوبا ايتىلدى. قازىرگى كۇنى جايرەم كەنتىنەن قاتتى تۇرمىستىق قالدىقتاردى سۇرىپتايتىن پوليگون سالۋ ءۇشىن 15 گا جەر تەلىمى ءبولىندى.
جوبالىق-سمەتالىق قۇجاتتاماسى ازىرلەنگەن سوڭ جايرەم تاۋ-كەن بايىتۋ كومبيناتىمەن بىرلەسىپ, پوليگوندى ودان ءارى سالۋ ماسەلەسى قاراستىرىلاتىن بولادى.
ۇلىتاۋ وبلىسى
