فوتو: aikyn.kz
دەپۋتاتتىق ساۋالدا اتىراۋ وبلىسىنىڭ يساتاي اۋدانىندا ورنالاسقان باقساي, نارىن جانە سبورنىي سۋارۋ ارنالارىنىڭ تەحنيكالىق جاعدايىن جاقسارتۋ ارقىلى سۋارمالى ەگىنشىلىكتى دامىتۋ تۋرالى ايتىلدى.
بۇگىندە وبلىستاعى 3,2 ميلليون گەكتاردان استام اۋىل شارۋاشىلىعى جەرىنىڭ 5 321 گەكتارى عانا سۋارمالى جەرلەر. بۇل جالپى الەۋەتتىڭ 33 پايىزىنان تومەن.
«نەگىزگى سەبەپ — سۋ شارۋاشىلىعى ينفراقۇرىلىمىنىڭ توزۋى, سۋ ارنالارىنداعى وتكىزگىشتىك قابىلەتتىڭ تومەندەۋى, مەحانيكالىق تازارتۋ جۇمىستارىنىڭ جۇيەلى تۇردە جۇرگىزىلمەۋى, اۆتوماتتاندىرۋ دەڭگەيىنىڭ تومەندىگى جانە بىلىكتى كادرلاردىڭ جەتىسپەۋشىلىگى. بۇل ماسەلەلەر سۋدىڭ ماقساتتى تۇتىنۋشىعا جەتپەي, ىسىراپ بولۋىنا اكەلىپ سوقتىرۋدا. اتاپ ايتقاندا, اتالعان سۋ ارنالارى تەرەڭدەتۋ, ءتۇبىن تازارتۋ, جاعالاۋلارىن نىعايتۋ, سۋ رەتتەگىش قۇرىلعىلارىن جاڭارتۋ جانە كۇردەلى جوندەۋ جۇمىستارىن قاجەت ەتەدى, لاي, بالدىر, قامىس پەن باسقا بوگەتتەردىڭ جينالۋى ناتيجەسىندە سۋ اينالىمى بۇزىلىپ, اۋىل شارۋاشىلىعى جەرلەرىن سۋمەن قامتۋ مۇمكىندىگى شەكتەلىپ وتىر. بۇل جاعداي اققىستاۋ, جانباي, زينەدەن جانە باسقا دا اۋىلدارداعى ەگىنشىلىك پەن مال شارۋاشىلىعىنىڭ دامۋىنا كەرى اسەرىن تيگىزىپ جاتىر», دەپ اتاپ ءوتتى «اۋىل» پارتياسىنىڭ اگرارلىق ماسەلەلەر جونىندەگى كوميتەت مۇشەسى ج. دايراباەۆ.
اتالعان سۋ ارنالارى- وسى وڭىرلەردىڭ الەۋمەتتىك-ەكونوميكالىق ءومىرىنىڭ وزەگى. سوندىقتان دەپۋتاتتار سۋ رەسۋرستارى جانە يرريگاتسيا مينيسترلىگىنە مىنا ماسەلەلەردى شەشۋدى ۇسىندى:
«سۋارمالى ارنالاردى قالپىنا كەلتىرۋ بويىنشا كەشەندى تەحنيكالىق-ەكونوميكالىق نەگىزدەمە دايىنداۋ; مەملەكەتتىك-جەكەمەنشىك ارىپتەستىك تەتىكتەرىن قولدانا وتىرىپ, سۋ ۇنەمدەۋ تەحنولوگيالارىن (تامشىلاتىپ جانە جاڭبىرلاتىپ سۋارۋ) ەنگىزۋ; قوسىمشا سۋ جيناقتاۋشى قويمالاردى سالۋ جانە سۋ تاسقىنى كەزىندە سۋدى ءتيىمدى پايدالانۋ جۇيەسىن قۇرۋ; سۋ ارنالارىنىڭ بويىنداعى ينجەنەرلىك ينفراقۇرىلىمدى تسيفرلاندىرۋ جانە اۆتوماتتاندىرۋ; سۋ شارۋاشىلىعى سالاسىنداعى كادرلىق الەۋەتتى ارتتىرۋ جانە ماماندار دايارلاۋ جۇيەسىن جەتىلدىرۋ», دەدى ج. دايراباەۆ.
كوميتەت مۇشەلەرى وڭىردەگى يساتاي اۋدانىنا قاراستى شالعاي جاتقان قىزىل ءۇي جانە جاسقايرات ەلدى مەكەندەرى تۇرعىندارىنىڭ وسى اۋىلدارعا باراتىن جولدىڭ جاعدايىنا جانە حالىققا ۋاقىتىلى مەديتسينالىق جەدەل جاردەم كورسەتۋگە قاتىستى كوتەرىپ جاتقان ماسەلەلەرگە وبلىس اكىمى سەرىك شاپكەنوۆتىڭ نازار اۋدارۋىن سۇرادى.
«يساتاي اۋدانىنان قىزىل ءۇي جانە جاسقايرات اۋىلدارىنا باراتىن اۋىلارالىق اۆتوموبيل جولدارىن سالۋدى قولعا الۋ. قىزىل ءۇي جانە جاسقايرات اۋىلدارى تۇرعىندارىنا مەديتسينالىق كومەك كورسەتۋ ءۇشىن ارنايى جەدەل جاردەم كولىگىمەن قامتاماسىز ەتۋ. وسى, اتالعان شارالار اۋىل شارۋاشىلىعى ءوندىرىسىن دامىتۋعا, جاڭا جۇمىس ورىندارىن اشۋعا, سۋ رەسۋرستارىن ءتيىمدى پايدالانۋعا جانە اۋىل تۇرعىندارىنىڭ تۇرمىس ساپاسىن جاقسارتۋعا سەپتىگىن تيگىزەتىنى ءسوزسىز», دەدى دەپۋتات.
